Мадэратарам выступіла лідэр прафсаюзнага руху педагогаў Міншчыны Таццяна Апраніч. Сустрэча праходзіла як дыялог пакаленняў, удзельнікі дзяліліся сваімі сямейнымі гісторыямі ваеннага часу і абмеркавалі праект новай Канстытуцыі.
Педагогі старэйшага пакалення ўспаміналі сваіх бацькоў і маці, якія пайшлі на фронт, якія змагаліся з ворагам у партызанскіх атрадах і падполлі.
У сваім выступленні педагог сацыяльны гімназіі № 1 г. Капыля Хрысціна Турэйская (на здымку) акцэнтавала ўвагу на працы з моладдзю па патрыятычным выхаванні на Капыльшчыне. У якасці прыкладу прывяла раённую арганізацыю грамадскага аб'яднання «Беларускі саюз афіцэраў». Пад час абмеркавання Асноўнага Закона малады спецыяліст адзначыла, што гістарычная памяць - гэта сувязь часоў і пакаленняў, якая непарыўна звязана з гераічнымі старонкамі беларускага народа. Патрыятызм і любоў да Радзімы, як прапануецца ў новай Канстытуцыі, павінны стаць святым абавязкам для кожнага грамадзяніна краіны.
У завяршэнне мерапрыемства ўсе аднадушна адзначылі важнасць унясення паправак і актыўнага ўдзелу кожнага чалавека ў рэферэндуме.
Барыс ДЗЕНІСЮК,
член ГА «Беларускі саюз журналістаў»
Крыніца http://www.kopyl.by
