З самага ранняга дзяцінства дзяўчынка пачала праяўляць цікавасць да творчасці. Першыя навыкі рукадзелля Таццяна атрымала ад бабулі, затым ад мамы яна навучылася вязаць. А сваімі настаўнікамі, якія навучылі сакрэтам і тонкасцям ткацтва, лічыць народных майстроў Валянціну Міхайлаўну Кіеню і Валянціну Кузьмінічна Гладкую.
Ткацтва з'яўляецца візітнай карткай нашага раёна, таму ўся дзейнасць Таццяны Волкавай накіравана на паглыбленне цікавасці да яго адраджэння, захаванне і развіццё. Спектр дзейнасці досыць шырокі: пошукавая, культурна-асветніцкая і адукацыйная праца па народнаму мастацкаму ткацтву і вышыўцы, арганізацыя гурткоў па навучанні моладзі старадаўнім рамёствам, выраб сувенірнай прадукцыі, удзел у святах і конкурсах рознага роду. Асартымент тканых вырабаў досыць шырокі: пасцельная бялізна, ручнікі, дыванкі, сурвэткі, дываны, паясы, закладкі, сумкі, лялькі. У сваім рамястве Таццяна абапіраецца на мясцовыя традыцыі, творча іх развівае, многія ўзоры стварае сама, імкнучыся спалучаць запаветы продкаў і сучасныя тэндэнцыі. На ручніках пераважаюць традыцыйныя беларускія сімвалы, зоркі і кветкі, геаметрычныя матывы і палоскі. Майстэрству ткацтва навучыла і сына Рамана.
крыніца http://www.kopyl.by
