Галіна Уладзіміраўна 25 гадоў таму прыехала з Клецкага раёна на Капыльшчыну па размеркаванні ў райпо, выйшла замуж, а пасля дэкрэтнага адпачынку вырашыла цалкам змяніць сферу дзейнасці. І ў цяперашні час працуе ва ўстанове аховы здароўя медыцынскім дэзінфектарам.
Як адзначыў галоўны ўрач Капыльскай ЦРБ Сяргей Пацяйковіч, Галіна Дубовік выканаўчы і добрасумленны работнік. За гады прафесійнай дзейнасці яна набыла вялікі багаж ведаў, нясе адказнасць за вынікі выкананай працы, настойліва ў давядзенні пачатай справы да канца. Уважліва ставіцца да выканання ўскладзеных на яе функцыянальных абавязкаў.
- У перыяд пандэміі, якая на Капыльшчыне пачалася ў сакавіку 2020 года, першапачаткова было хваляванне, працы, адпаведна, стала нашмат больш – кажа Галіна Уладзіміраўна. - Але нягледзячы на ўсе складанасці і страхі я з вялiкай адказнасцю і аддачай выконваю ўскладзеныя на мяне абавязкі. Бо гэта клопат пра здароўе і бяспеку навакольных людзей.
Крыніца http://www.kopyl.by