Спецыфіка дзейнасці вельмі няпростая, бо далёка не кожны чалавек здольны клапаціцца пра чужых людзей, якія апынуліся ў складанай жыццёвай сітуацыі, падзяляць іх праблемы, суперажываць, дапамагаць у вырашэнні бытавых пытанняў.
– Па адукацыі - настаўнік беларускай мовы і літаратуры, але па волі лёсу прыйшла працаваць у тэрытарыяльны цэнтр – дзеліцца Іна Анатольеўна. - Аб выбары прафесіі не шкадую. Па працы даводзіцца сутыкацца з людзьмі, якія зведалі нямала цяжкасцяў у жыцці. Таму ў нашай справе патрабуецца сардэчнасць, спагадлівасць і душэўнасць. Мне падабаецца мая праца: зробіш нешта карыснае - чалавек задаволены, і гэта вельмі прыемна. Лічу, што сацыяльная абарона насельніцтва была і застаецца важнай дзяржаўнай задачай. Для большасці сацыяльных работнікаў гэта сэнс жыцця, а для іх падапечных – гарантаваныя дзяржавай апека і клопат.
Крыніца http://www.kopyl.by
