- Я стаў кіроўцам аўтобуса, таму што люблю гэту прафесію з дзяцінства. Колькі сябе памятаю, заўсёды любіў тэхніку, прычым не толькі ездзіць, але і разбірацца ў ёй – сціпла кажа Рыгор Рыгоравіч. - З задавальненнем дапамагаў бацьку з рамонтам аўтобуса: разумеў тэхнічныя прылады, умеў па розных прыкметах выяўляць і выпраўляць паломкі, бо разам круцілі гайкі і балты.
Аўтобус пад кіраваннем дасведчанага кіроўцы ў асноўным курсіруе па прыгарадных маршрутах: Смолічы, Вясёлае, Чырвоная Дубрава. Абслугоўвае таксама і школьны маршрут, у прыватнасці аграгарадок Цімкавічы. Калегам Рыгор жадае, у першую чаргу, цярпення і ўстойлівага разумення таго, што ўсе ўдзельнікі дарожнага руху павінны з павагай ставіцца адзін да аднаго.
- Пасажыры сустракаюцца розныя, бываюць і злыя, але ў асноўным добразычлівыя і ветлівыя. Галоўнае - любіць тую справу, якой ты займаешся, адказна ставіцца да сваёй працы – адзначае Рыгор Холад.
Крыніца http://www.kopyl.by
