На конкурс паступіла больш за 100 відэаролікаў, з якіх былі адабраны найлепшыя. Вучні Капыльшчыны прадставілі відэаролік «Рабі як мы!». Другакласнікі Дзіяна Гурыновіч і Фларыян Карпучок за паўтары хвіліны дакладна і разважліва расказалі, як трэба ставіцца да прыроды і якая карысць ад раздзельнага збору смецця.
– Паколькі відэаролікі былі прысвечаны экалагічнай тэматыцы, арыентаваны на экалагічную асвету і прапаганду актыўнай практычнай прыродаахоўнай дзейнасці, у першую чаргу мы пастараліся яго зрабіць цікавым, – гаворыць настаўнік пачатковых класаў Мажскага КПК дзіцячы сад-пачатковая школа Анастасія Васілевіч. - Атрыманая ўзнагарода - гэта яркая падзея не толькі для рабят, але і для ўсёй школы. Гэта вялікі вопыт і стымул удзельнічаць у падобных конкурсах і надалей.
Таццяна Бохан
крыніца http://www.kopyl.by
На здымку: Фларыян Карпучок і Дзіяна Гурыновіч з педагогамі Аксанай Халыкінай і Анастасіяй Васілевіч.