Асаблівую ўвагу спецыялісты ўдзяляюць грамадзянам, інвалідам, шматдзетным сем'ям і тым, дзе непаўналетнія знаходзяцца ў сацыяльна небяспечным становішчы. У цэнтры ўвагі - злоўжываючыя спіртнымі напоямі, вядучыя асацыяльны лад жыцця. Наведваючы жыхароў і праводзячы абследаванне домаўладанняў, ратавальнікі і прадстаўнікі іншых служб яшчэ раз раскажуць аб пажары і іншых надзвычайных сітуацыях, дзеяннях у выпадку ўзнікнення вогненнай бяды, мерах па недапушчэнні ўзнікнення ўзгаранняў, аб бяспечнай эксплуатацыі электраабсталявання і пячнога ацяплення, эфектыўнасці ўстаноўкі аўтаномных пажарных апавяшчальнікаў. Дарэчы, толькі за 2021 год на тэрыторыі вобласці дзякуючы АПА ўдалося выратаваць 12 чалавек.
Пра тое, як зберагчы свой дом ад агню, абараніць родных і блізкіх, не падвяргаць сваё здароўе небяспецы, з жыхарамі будуць гаварыць не толькі па месцы пражывання, але і пры сустрэчах з працоўнымі калектывамі, на сельскіх сходах, бацькоўскіх сходах.
Да правядзення прафілактычных гутарак актыўна далучыліся прадстаўнікі грамадскіх маладзёжных арганізацый і пазаштатных пажарных фармаванняў.
Варта таксама адзначыць, што за тры месяцы 2022 года ў Капыльскім раёне адбылося 8 пажараў, ад якіх загінулі 3 чалавекі.
Падрыхтаваў Павел Шэін
Крыніца http://www.kopyl.by
