Вясновыя канікулы ўжо скончыліся, дзеткі прыступілі да вучобы. Аднак нагадаць бацькам аб бяспецы сваіх дзяцей ніколі не позна. З гэтай мэтай і ў рамках месячніка пажарнай бяспекі, інспектар сектара нагляду і прафілактыкі Капыльскага РАНС Арцём Пыко наведаў Грозаўскі сельскі савет, дзе правёў прафілактычную працу ў домаўладаннях сем'яў, якія знаходзяцца ў сацыяльна небяспечным становішчы.
Пры наведванні домаўладанняў Арцём Аляксандравіч звяртаў увагу на стан ацяпляльных печаў і катлоў, электраправодкі, на наяўнасць і спраўнасць аўтаномных пажарных апавяшчальнікаў. Праводзячы прафілактычную гутарку з бацькамі, растлумачваў аб важнасці і неабходнасці захавання нормаў і правілаў пажарнай бяспекі, а таксама нагадваў аб недапушчальнасці пакідання дзяцей без нагляду.
З дзеткамі выратавальнік пагаварыў пра недапушчэнне гульняў з запалкамі, нагадаў нумары службы выратавання і алгарытм дзеянняў у выпадку ўзнікнення пажару.
У завяршэнні прафілактычнай працы ўсім грамадзянам была ўручана наглядна-выяўленчая прадукцыя, а для дзяцей былі падрыхтаваны размалёўкі і азбукі бяспекі.
Наталля Літоўчанка,
інжынер інспекцыі нагляду і прафілактыкі Капыльскага РАНС
Крыніца http://www.kopyl.by
