У ім прынялі непасрэдны ўдзел і старшыня Савета дэпутатаў Ірына Кісляк, першы сакратар РК ГА «БРСМ» Анастасія Збіруховіч і галоўны спецыяліст Капыльскай раённай інспекцыі прыродных рэсурсаў і аховы навакольнага асяроддзя Андрэй Цвірко.
- Мы, як сябры маладзёжнага парламента, унеслі прапанову разнастаіць стандартны вiд уборкі тэрыторый ад смецця ў больш сучасны — кажа навучэнка гімназіі № 1 г.Капыля Віялета Астрэйка. - Плогінг мае на ўвазе збор смецця падчас прабежкі, гэта значыць гэта свайго роду сумяшчэнне прыемнага з карысным, а менавіта здаровага ладу жыцця і ўборкі тэрыторыі. Лічу такія сустрэчы дапамогуць з'яднаць моладзь і ў далейшым разам прыходзіць да новых відаў абароны навакольнага асяроддзя.
Навучэнцы СШ № 3 г. Капыля Дар'я Карлюк і Яна Гараховік упэўнены, што чысціня ў горадзе залежыць ад саміх людзей. На жаль, сустракаюцца выпадкі, калі самі дарослыя, то машынальна, то выпадкова выкідваюць смецце, не дайшоўшы да урны, а гэта жывы антыпрыклад для падрастаючага пакалення.
У завяршэнні мерапрыемства ўдзельнікі змаглі пачаставацца гарбатай з цукеркамі.
Наталля Давыдзенка
крыніца http://www.kopyl.by