Свае прафесійныя ўменні і навыкі паказалі каманды з сямі ўстаноў адукацыі Міншчыны: Капыльскага, Салігорскага, Маладзечанскага, Вілейскага, Барысаўскага, Мар'інагорскагай, Слуцкага дзяржаўных каледжаў. Трэба адзначыць, што з навучэнцамі ў конкурсных іспытах удзельнічалі і іх настаўнікі – майстры вытворчага навучання.
– Сёння сабраліся тыя, хто гатовы паспаборнічаць у прафесійным майстэрстве на конкурсных пляцоўках, – гаворыць начальнік цэнтра прафесійнай адукацыі Мінскага абласнога інстытута развіцця адукацыі Валянціна Жукавец. - Гэта людзі, якія звязалі сваё жыццё з уладкаваннем, абслугоўваннем электрасетак і электраабсталяваннем. Я ўпэўнена, што канкурсанты праявяць сябе з найлепшых бакоў.
У рэжыме анлайн-злучэння ўсіх павітала намеснік начальніка Цэнтра міжнароднага супрацоўніцтва Ганна Іванова. Яна адзначыла, што месца правядзення выбрана невыпадкова: рэсурсны цэнтр Капыльскага дзяржаўнага каледжа з'яўляецца цудоўнай тэхнічна аснашчанай базай.
Прафесіяналізм і якасць выканання конкурсных заданняў ацэньвалі прафесійныя эксперты, сярод якіх прадстаўнікі ўстаноў вышэйшай адукацыі, арганізацый-заказчыкаў, органаў дзяржаўнага кіравання. А галоўны эксперт, намеснік галоўнага інжынера па рабоце з персаналам філіяла «Слуцкія электрычныя сеткі» РУП «Мінскэнерга» Міхаіл Гурбо, падкрэсліў, што на ўсіх прадпрыемствах цэняцца добрыя спецыялісты.
Пасля лёсавання ўсе азнаёміліся з умовамі выканання конкурсных заданняў, а таксама прайшоў інструктаж па ахове працы.
На конкурсных пляцоўках № 1 (навучальная майстэрня «Электрамантажу») і № 2 (рэсурсны цэнтр вытворчага навучання) удзельнікі паказалі сваё майстэрства, высокія прафесійныя якасці і таленты.
Завяршальнымі элементамі першага дня была культурна-забаўляльная праграма як для навучэнцаў, так і для ўдзельнікаў абласнога конкурсу «Давайце пазнаёмімся і пасябруем».
У другі дзень абласнога конкурсу для ўдзельнікаў і навучэнцаў Капыльскага дзяржаўнага каледжа, якія навучаюцца па спецыяльнасці «Тэхнічная эксплуатацыя электраабсталявання» прайшоў адкрыты дыялог «Электраманцёр - прафесія запатрабаваная і прэстыжная» з удзелам экспертаў і старшыні Капыльскага райвыканкама..
У адкрытым дыялогу прынялі ўдзел Сяргей Пілішчык, Анатоль Пяткевіч, Валянціна Жукавец
Як адзначыў Сяргей Міхайлавіч, дыялог — гэта цудоўны стымул да павышэння матывацыі, цікавасці да будучай прафесіі, перакананасці ў правільнасці прафесійнага выбару, а таксама ступень да новага пазнання, самаадукацыі і самаўдасканалення.
Падчас сустрэчы і ўдзельнікі, і госці актыўна абмяркоўвалі стратэгічныя арыенціры і практычныя падыходы па пытаннях прафесійнага станаўлення моладзі, а таксама матывацыю навучэнцаў да асобаснага развіцця і пабудовы індывідуальнай прафесійнай траекторыі. Асаблівы ўпор - на абмен меркаваннямі па праблеме падрыхтоўкі і працаўладкавання выпускнікоў.
Адзначым, што ў другі дзень у Капыльскім дзяржаўным каледжы быў арганізаваны прафесійны квіз «Зрабі правільны выбар», прадстаўлены ўстановамі прафесійнай адукацыі Мінскай вобласці для навучэнцаў IX класаў. У мерапрыемстве прынялі ўдзел больш за 320 навучэнцаў Мінскай вобласці.
Дыпломам I ступені ў конкурснай катэгорыі «Навучэнец выпускнога курса» ўзнагароджаны навучэнец 3 курса Руслан Адамчык. Дыпломам I ступені ў конкурснай катэгорыі «Навучэнец 1-2 курсаў» адзначаны навучэнец 2 курса Андрэй Радзюк. Дыплома I ступені ў конкурснай катэгорыі «Педагагічныя работнікі» ўдастоены майстар вытворчага навучання Капыльскага дзяржаўнага каледжа Максім Альферовіч.
Заключная частка абласнога конкурсу, а менавіта падвядзенне вынікаў і абвяшчэнне лепшых сярод лепшых, для ўдзельнікаў Капыльскага дзяржаўнага каледжа не было нечаканасцю. Бо прафесіяналы сваёй справы паказалі ўменні і неацэнны досвед у сферы электрамантажу.
Наталля Давыдзенка
Крыніца: http://www.kopyl.by
