Не засталіся без падарункаў у гэтыя светлыя дні і пастаяльцы Капыльскага дома-інтэрната для састарэлых і інвалідаў. Цяпер у сацыяльнай установе ў в. Філіповічы пражывае 79 чалавек. Для іх яна стала домам, а сям'ёй - такія ж адзінокія, але незабытыя людзі. Да іх у госці прыехалі старшыня раённага Савета дэпутатаў Ірына Кісляк, намеснік старшыні райвыканкама Святлана Лосік, настаяцель прыхода храма Ушэсця Гасподняга в. Кіевічы, протаіерэй Павел Брагін. Яны азнаёміліся з умовамі пражывання, побыту і адпачынку ва ўстанове, працай гурткоў. З пажаданнямі моцнага здароўя, дабра, міру ў душы і дабрабыту ганаровыя госці ўручылі велікодныя падарункі: кулічы, розныя прысмакі і асвячоныя яйкі.
Ад імя пастаяльцаў за цёплыя словы і блаславенні гасцям падзякаваў дырэктар установы Віктар Гаціла:
— Падчас падобнай акцыі нашыя жыхары ў чарговы раз пераканаліся, што мясцовая ўлада і духавенства пра іх не забываюцца. Бо для людзей важны не сам падарунак, а ўвага і клопат.
Сяргей КОЗЕЛ
На здымку: Протаіерэй Павел Брагін уручае падарункі ў Капыльскім доме-інтэрнаце.
Крыніца http://www.kopyl.by
