Што гэта за прэмія, расказвае начальнік аддзела стандартызацыі і сертыфікацыі РУП «Слуцкі ЦСМС» Алена Іванаўна ПАЛУЯНАВА:
— Прэмія Урада - гэта ўзнагарода, якая прысуджаецца лепшым арганізацыям нашай краіны за дасягненне значных вынікаў у галіне якасці і канкурэнтаздольнасці прадукцыі і паслуг, укараненне інавацыйных тэхналогій і сучасных метадаў менеджменту. Прэмія Урада Рэспублікі Беларусь за дасягненні ў галіне якасці заснавана пастановай Савета Міністраў Рэспублікі Беларусь ад 5 лістапада 1998г. № 1705 з мэтай павышэння канкурэнтаздольнасці выпускаемай у Рэспубліцы Беларусь прадукцыі, работ, паслуг і забеспячэння прызнання дасягненняў у галіне якасці прадукцыі (работ і паслуг). Гэтай жа пастановай зацверджаны Палажэнне аб Прэміі Урада Рэспублікі Беларусь за дасягненні ў галіне якасці і Палажэнне аб Камісіі па прысуджэнні Прэміі.
Штогод праз сродкі масавай інфармацыі Камісія па прысуджэнні Прэміі Урада Рэспублікі Беларусь за дасягненні ў галіне якасці (далей - Камісія) аб'яўляе аб чарговым конкурсе на суісканне Прэміі і ўмовах яго правядзення. У 2022 годзе аб'яўлены чарговы конкурс. Прэмія прысуджаецца на конкурснай аснове юрыдычным асобам незалежна ад форм уласнасці за дасягненне значных вынікаў у галіне якасці і канкурэнтаздольнасці вырабляемай прадукцыі, аказваемых паслуг або работ, укараненне інавацыйных тэхналогій і сучасных метадаў менеджменту, а таксама за эфектыўнае і сацыяльна-адказнае вядзенне бізнесу. З 2022 г. конкурс будзе праводзіцца па абноўленай мадэлі, што дасць магчымасць айчынным арганізацыям будаваць сваю дзейнасць у галіне якасці і сістэмнага менеджменту ў адпаведнасці з сучаснымі міжнароднымі тэндэнцыямі ў гэтай сферы.
Актыўны распаўсюд лічбавых тэхналогій, усё большая канкурэнтная барацьба патрабуюць ад арганізацый інавацыйных падыходаў і здольнасці хутка змяняцца як у сваёй вытворчай дзейнасці, так і ў менеджменце, умець прадбачыць будучыя чаканні спажыўцоў і выводзіць новую прадукцыю хутчэй за канкурэнтаў. Гэты трэнд садзейнічаў актуалізацыі мадэлі Прэміі Урада. У новых правілах структура мадэлі з двухпалярнай («Магчымасці» і «Вынікі») пераўтварылася ў трохпалярную («Напрамак», «Выкананне», «Вынікі»). Увядзенне новай групы крытэрыяў («Напрамак») абумоўлена павышэннем ролі стратэгічнага планавання для ўстойлівага развіцця арганізацыі ў складаным, хутказмяняемым і высокаканкурэнтным асяроддзі. У сувязі з гэтым актуалізаваны і зацверджаны дакументы: «Крытэрыі прысуджэння Прэміі Урада Рэспублікі Беларусь за дасягненні ў галіне якасці», «Парадак правядзення конкурсу на суісканне Прэміі Урада Рэспублікі Беларусь за дасягненні ў галіне якасці». Дзяржстандартам таксама распрацавана і зацверджана «Методыка ацэнкі дзейнасці арганізацый на адпаведнасць крытэрыям Прэміі Урада Рэспублікі Беларусь за дасягненні ў галіне якасці».
Вызначэнне пераможцаў конкурсу ажыццяўляецца ў два этапы: па выніках праверкі прадстаўленых матэрыялаў і шляхам правядзення экспертызы на месцах з прымяненнем ацэнкі ў балах. Прычым да другога этапа конкурсу (экспертыза на месцах) дапускаюцца арганізацыі, якія набралі ў выніку экспертнай ацэнкі матэрыялаў не менш за 250 балаў.
Для пацверджання звання лаўрэата конкурсу арганізацыям неабходна прадэманстраваць: паляпшэнне дзейнасці ў параўнанні з вынікамі, дасягнутымі пры папярэднім удзеле ў конкурсе; удзел у іншых конкурсах у галіне якасці; меры па прапагандаванні дасягненняў у галіне якасці і эфектыўнага менеджменту і распаўсюджванню перадавога вопыту.
У 2022 г. арганізацыі - лаўрэаты Прэміі Урада 2019 года маюць права пацвердзіць званне лаўрэата. Рашэнне аб вызначэнні лаўрэатаў і дыпламантаў Прэміі Урада, а таксама арганізацый, удастоеных спецыяльных узнагарод конкурсу, прымаецца Камісіяй па прысуджэнні Прэміі Урада (далей - Камісія). У яе склад уваходзяць прадстаўнікі рэспубліканскіх органаў дзяржаўнага кіравання. Старшынёй Камісіі з'яўляецца намеснік Прэм'ер-міністра Рэспублікі Беларусь, які курыруе пытанні прамысловага комплексу.
Лаўрэаты, дыпламанты, а таксама арганізацыі, удастоеныя спецыяльных узнагарод, узнагароджваюцца на спецыяльнай урачыстай цырымоніі. Лаўрэатам уручаюцца дыплом і сімвал Прэміі Урада, а таксама даецца права выкарыстання на працягу трох гадоў выявы эмблемы Прэміі Урада пры маркіроўцы прадукцыі і на яе ўпакоўцы, у рэкламных мэтах і дакументацыі.
У цяперашні час Прэмія Урада з'яўляецца самым аўтарытэтным праектам у рэспубліканскім конкурсным руху за якасць. Яго правядзенне дае магчымасць выдзяляць сярод беларускіх арганізацый прадпрыемствы-лідэры, якія выбудоўваюць стратэгію і тактыку свайго развіцця на аснове якасці, і забяспечвае прызнанне іх дасягненняў на дзяржаўным узроўні.
Звесткі аб пераможцах конкурсу размяшчаюцца на сайце Дзяржстандарта (www.gosstandart.gov.by), інтэрнэт-партале «Якасць.бел» , а таксама ўключаюцца ў штогод выдаваемы каталог «Лаўрэаты Прэміі Урада Рэспублікі Беларусь за дасягненні ў вобласці якасці».
Заяўкі і матэрыялы для ўдзелу ў конкурсе на суісканне Прэміі Урада неабходна прадставіць да 1 ліпеня 2022 г. у сакратарыят Камісіі, які знаходзіцца па адрасе: г. Мінск, вул. Наватарская, 2а, 220053, к. 303.
Неабходныя кансультацыі можна атрымаць у навукова-вытворчым рэспубліканскім унітарным прадпрыемстве «Беларускі дзяржаўны інстытут стандартызацыі і сертыфікацыі» (БелДІСС) (г. Мінск, вул. Наватарская, 2а, к. 303; тэл. 8 017 269 69 54, 8 017 269 69 64), у Рэспубліканскім унітарным прадпрыемстве «Слуцкі цэнтр стандартызацыі, метралогіі і сертыфікацыі» (г.Слуцк, вул.Маладзёжная, 10, к.12; тэл.8 017 95 4 57 71, факс 8 01795 5; -mail: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду., Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.).
Падрыхтавала Святлана АПАНАСЧЫК
Крыніца http://www.kopyl.by
