Арганізатарамі выступаюць Капыльскі райвыканкам і галоўнае ўпраўленне спорту і турызму Мінаблвыканкама. У ім могуць удзельнічаць усе жадаючыя спартсмены, пры ўмове адсутнасці медыцынскіх супрацьпаказанняў. Барацьба разгорнецца на чатырох дыстанцыях у розных узроставых групах.
Галоўны забег - Адкрыты чэмпіянат Мінскай вобласці па паўмарафоне - стане сапраўдным выпрабаваннем сярод аматараў бегу ў абсалютным першынстве. На старт у 21,1 км змогуць выйсці мужчыны і жанчыны ад 18 да 35 гадоў і старэй.
На дыстанцыі 10 км 550 м чакаецца выступленне аматараў бегу ад 17 да 41 года і старэй ў трох узроставых групах. А вось для юнакоў і дзяўчат ад 13 да 17 гадоў, мужчын - 60 гадоў і старэй, жанчын - 50 гадоў і старэй спаборніцтвы будуць праводзіцца на дыстанцыі 3 км.
Традыцыйнай стала і дыстанцыя за 1 км, дзе асноўнымі ўдзельнікамі стануць юнакі і дзяўчаты ад 7 да 12 гадоў у трох узроставых катэгорыях.
Пераможцы ў індывідуальных відах праграмы ва ўсіх узроставых групах і на ўсіх дыстанцыях будуць узнагароджвацца грашовымі прызамі, медалямі і граматамі, прызёры – медалямі і граматамі. Усе фінішаваўшыя ўдзельнікі на дыстанцыі 21,1 км атрымаюць памятныя медалі фінішора.
Спаборніцтвы пройдуць на стадыёне Капыльскага фізкультурна-аздараўленчага цэнтра. Урачыстае адкрыццё – у 11.00, пачатак у 11.20.
Таццяна БОХАН
Крыніца http://www.kopyl.by