— Нашы грамадзяне вельмі чакаюць ўстаноўкі надзіманага комплекса ў гарадскім парку, - звярнулася да кіраўніка раёна Ала Нікіфарава. - Батут карыстаецца папулярнасцю ў маленькіх капылян. Бо падобнага роду баўленне часу не толькі цешыць іх і дастаўляе вялікае эмацыйнае задавальненне, але і надае сіл і здароўя.
— Усталёўваючы батут трэба памятаць пра бяспеку. І выкананне гэтых правіл поўнасцю ўскладзена на ўладальніка. Ёсць нормы, распрацаваныя Дзяржстандартам, дзе прапісаны патрабаванні да матэрыялаў, канструкцыі, ажыццяўлення нагляду пры эксплуатацыі. Пытанне ў тым, што за выкананнем гэтых норм трэба сачыць. Таму, пасля вывучэння кампетэнтнымі органамі адпаведных дакументаў на прадмет бяспекі надзіманай устаноўкі, будзе прынята рашэнне, - падкрэсліў кіраўнік раёна.
З пытаннем, на якое раптоўна не дасі адказу, да Сяргея Пілішчыка звярнулася шматдзетная маці. Яе зварот заключаўся ў спрэчцы з суседам па мяжы зямельнага ўчастка. Вырашэнне праблемы, узнятай жанчынай, таксама патрабуе дэталёвага разгляду з выездам на месца.
Падводзячы вынікі асабістага прыёму грамадзян, Сяргей Пілішчык адзначыў, што, як правіла, пытанні, з якімі звяртаюцца людзі, маюць кансультатыўны або асабісты характар, вельмі рэдка праблема патрабуе ўвагі высокага ўзроўню.
— Аналіз зваротаў грамадзян, якія паступілі, паказвае, што глабальных, невырашальных пытанняў няма, — падсумаваў кіраўнік раёна. - Важна, што ў абсалютнай большасці выпадкаў многія з іх удаецца аператыўна вырашаць. Такая наша паўсядзённая дзейнасць, таму галоўная задача - пачуць грамадзян і дапамагчы ім вырашыць хвалюючыя пытанні.
Графік асабістага прыёму грамадзян, іх прадстаўнікоў, прадстаўнікоў юрыдычных асоб старшынёй райвыканкама застаецца нязменным: другая і чацвёртая серада месяца з 8 да 13 гадзін.
Таццяна Бохан
Крыніца http://www.kopyl.by
