Навучэнцы даведаліся аб рабоце ведамства: участковы інспектар інспекцыі па справах непаўналетніх Яўген Клыга правёў экскурсію па аператыўна-дзяжурнай службе. Інспектар-дзяжурны АДС Сяргей Шадура падрабязна распавёў хлопцам пра тое, як працуе аддзел, звярнуўшы ўвагу на тое, што супрацоўнікі міліцыі эфектыўна выяўляюць розныя правапарушэнні. Паводле яго слоў, большасць месцаў у Капылі і раёне знаходзіцца пад відэаназіраннем, дзякуючы чаму пры здзяйсненні злачынстваў рознай ступені цяжкасці міліцыянеры знойдуць і затрымаюць парушальніка.
Цікавай і пазнавальнай стала гутарка са старэйшым інспектарам ДПС аддзялення ДАІ Сяргеем Барадзіным, які звярнуў увагу на актуальную праблему перамяшчэння на сродках персанальнай мабільнасці: самакатах, электрасамакатах, гіраскутарах, сігвеях, монаколах і іншых аналагічных апаратах для перамяшчэння. Сяргей Сяргеевіч яшчэ раз нагадаў, што яны могуць быць небяспечнымі і прынесці не толькі задавальненне, але і бяду пры іх няправільным выкарыстанні ці ж яздзе ў неналежных месцах.
- Гэта заўсёды павінны разумець бацькі, набываючы дзіцяці самакат, гіраскутар і іншыя сродкі перамяшчэння, а таксама самі дарослыя, якія часцяком едуць на такім «транспарце» па праезнай частцы – запэўніў інспектар.
Сяргей Барадзін паказвае школьнікам, як працуе радар
Распавялі аб недапушчальнасці выкарыстання матацыклаў непаўналетнімі. Так, Сяргей Барадзін нагадаў аб ДТЗ, якое адбылося ў аграгарадку Новыя Дактаровічы, калі 17-гадовы мясцовы жыхар на матацыкле ўрэзаўся ў трактар. У аварыі атрымала цяжкія траўмы 16-гадовая пасажырка матацыкліста.
У дадатак Яўген Клыга адзначыў, што пры парушэнні правілаў дарожнага руху за дзяцей будуць адказваць бацькі, а дзіця паставяць на ўлік у ІСН.
Таксама хлопцы змаглі прымерыць абмундзіраванне, сродкі асабістай бяспекі супрацоўніка ДАІ, убачыць сродкі прымусовага спынення транспартных сродкаў і пасядзець за рулём службовага транспарту.
Як паведаміў Сяргей Барадзін, на працягу ўсяго летняга перыяду супрацоўнікі ДАІ будуць пастаянна наведваць летнія аздараўленчыя лагеры, каб папярэдзіць і прадухіліць дзіцячы дарожна-транспартны траўматызм.
Павел Шэін
Крыніца «СП»
