Павітаўшы ўсіх, начальнік упраўлення па адукацыі, спорту і турызму райвыканкама Алена Карповіч адзначыла, што свята спорту і здароўя — гэта найперш згуртаванне калектыву. Каманды педагогаў Капыльшчыны прыйшлі паказаць адзінства і яскравым сваім прыкладам прадэманстраваць падрастаючаму пакаленню важнасць здаровага ладу жыцця.
Старшыня райкама прафсаюза работнікаў адукацыі і навукі Марына Крэпская дадала, што спаборніцтвы сярод работнікаў адукацыі і навукі раёна сталі традыцыяй, але некалькі гадоў запар, у сувязі з каранавіруснай інфекцыяй, магчымасці правядзення спартыўнага свята не было.
- Ваша заяўка - гэта ваша актыўнасць і жыццёвая пазіцыя, - працягвае Марына Іосіфаўна. - Поспехаў, прызавых месцаў, выдатнага адпачынку і зносін!
Каманды паказалі выдатную фізічную падрыхтоўку ў васьмі відах праграмы спаборніцтваў.
Так, у спаборніцтвах па скачках у даўжыню з месца лепшыя паказчыкі і 1 месца заняла каманды Каменскай КПК д/с - с/ш, 2 месца - у СШ № 2 г. Капыля і 3 месца заняла дапаможная школа-інтэрнат.
У спаборніцтвах па кідках баскетбольнага мяча ў кола сярод мужчын 1 месца падзялілі Віталь Стрэлкін і Мікалай Салановіч, 3 месца заняў Мікалай Бабко.
Сярод жанчын лідэрамі сталі Кацярына Князюк і Інэса Праказава, 3 месца падзялілі Ірына Вайцяховіч і Алена Бельская.
У спаборніцтвах па дартсе 1 месца заняла Ірына Абас, 2 месца — Павел Лазоўскі і 3 месца дасталася Аляксандру Салаўёву.
Бясспрэчным пераможцам сярод мужчын у спаборніцтвах па падцягванні на перакладзіне 1 месца ў Мікалая Валнiстага, 2 месца заслужана атрымаў Дзмітрый Бухавец і 3 месца — Віталь Стрэлкін.
У спаборніцтвах па настольным тэнісе 1 месца заняў Анатоль Вадап'ян, 2 месца — Уладзімір Мікалаеня і 3 месца Мікалай Салановіч.
Самым хвалюючым стаў момант правядзення лёгкаатлетычнай эстафеты. Кожны ўдзельнік хварэў і перажываў за сваіх калег. У дадзеным спаборніцтве 1 месца годна заняла каманда СШ № 3 г. Капыля, 2 месца адведзена Жыліхаўскаму КПК д/-СШ, 3 месца — Семежаўскаму КПК д/с–СШ.
У спаборніцтвах па скачках са скакалкай у лідэрах аказалася Анастасія Пыжык, 2 месца заваявала Кацярына Князюк, 3 месца — Наталля Доўжык.
Годнымі лідэрамі ў агульнакамандным першынстве сталі: 1 месца СШ № 2 г. Капыля, 2 месца Каменскі КПК д/с – СШ, 3 месца дапаможная школа-інтэрнат.
Каманды і ўдзельнікі, якія занялі I - III месцы ўзнагароджаны граматамі ўпраўлення па адукацыі, спорту і турызму райвыканкама, раённай арганізацыі Беларускага прафесійнага саюза работнікаў адукацыі і навукі і грашовымі выплатамі.
Наталля Давыдзенка
Крыніца «СП»
