Усебеларуская малітва
Да ўсебеларускай малітвы далучыліся вернікі розных канфесій. Малітва за мір, за наш народ і яго дабрабыт гучала ў касцёле св. Пятра і Паўла ў Капылі.
— У гэты дзень мы молімся за нашых загінуўшых дзядоў і прадзедаў, якіх змагаліся за Перамогу, — адзначыў ксёндз Андрэй Калядка, пробашч парафіі св. Пятра і Паўла ў Капылі. — Малітва з'яўляецца размовай з Госпадам Богам, таму важна не толькі ў гэты дзень маліцца за памерлых, але і кожны дзень, каб яны атрымалі дараванне і ўбачылі Госпада Бога тварам да твару.
Хвіліна памяці і смутку
Каля помніка воінам-вызваліцелям даніну гераізму і стойкасці нашага народа ў гады вайны аддалі прадстаўнікі раённай улады, працоўных калектываў прадпрыемстваў і ўстаноў, раённых грамадскіх арганізацый і мясцовыя жыхары.
Старшыня райвыканкама Сяргей Пілішчык падкрэсліў важнасць захавання гістарычнай памяці.
— Крыніцай Перамогі стала адзінства жыхароў нашай краіны. І нам трэба не толькі свята берагчы, але і працягваць гэтыя высокія духоўныя і маральныя традыцыі, — зазначыў кіраўнік раённай выканаўчай улады.
Пра тое, што нямецка-фашысцкія захопнікі напалі на Савецкі Саюз, жыхары Капыля даведаліся ў першы ж дзень вайны з выступлення народнага камісара замежных спраў У.М. Молатава. 27 чэрвеня на вуліцах Капыля з'явіліся першыя часткі захопнікаў. Рабочыя, калгаснікі, інтэлігенцыя з першых дзён акупацыі ўключыліся ў актыўную барацьбу з ненавісным ворагам. У ноч з 2 на 3 ліпеня 1941 года, каля вёскі Старыца; часткі Чырвонай Арміі нямецка-фашысцкім захопнікам. Усяго Беларусь страціла кожнага трэцяга свайго жыхара. У журботным спісе загінуўшых – 12 тысяч нашых землякоў. 749 чалавек было вывезена ў Германію, 258 сталі вязнямі лагераў, 114 з іх былі непаўналетнімі.
Звяртаючыся да прысутных, старшыня раённага Савета ветэранаў Людміла Каменка адзначыла, што гэты год праходзіць пад знакам захавання гераічнай гістарычнай спадчыны і праўды пра розныя этапы жыцця нашага народа.
Ад маладога пакалення выступіла першы сакратар РК ГА «Беларускі рэспубліканскі саюз моладзі» Анастасія Збіруховіч:
— Ад таго, як мы ставімся да загінуўшых за Радзіму, шмат у чым залежыць гатоўнасць маладога пакалення ўстаць на яе абарону, не пашкадаваць для гэтага сваіх сіл, а калі спатрэбіцца - то і жыцця. Наш абавязак - захаваць трапяткое стаўленне да свайго гістарычнага мінулага для таго каб зберагчы і ўмацаваць адзінства нашай Радзімы.
Подзвіг, які назаўжды застанецца ў сэрцах людзей, ушанавалі хвілінай маўчання, да падножжа манумента ўсклалі вянкі і жывыя кветкі. На працягу ўсяго дня школьнікі СШ №3 г. Капыля нясуць Вахту Памяці ля вечнага агню. Так яны аддаюць даніну памяці воінам Вялікай Айчыннай.
Адзначым, што прыняць удзел ва Усебеларускай хвіліне маўчання мог кожны: апоўдні неабыякавыя беларусы спыняліся на хвіліну і ўспаміналі тых, хто коштам свайго жыцця выканаў святы абавязак па абароне Радзімы, унёс уклад у Вялікую Перамогу. Дзякуй за мiр загінуўшым, святой памяці якой будзем вартыя!
Таццяна Бохан
Крыніца «СП»
