Першы сакратар РК ГА «БРСМ» Анастасія Збіруховіч адзначыла, што мерапрыемствы прысвечаны святкаванню Дня Незалежнасці Рэспублікі Беларусь і віншаванні прымаюць сем'і, у якіх у гэты перыяд нарадзілася дзіця.
Анастасія Алегаўна ўручыла татам і мамам падарунак сімвал добрай традыцыі — вышыванкі.
— Нараджэнне дзіцяці – гэта самая ўрачыстая і хвалюючая падзея ў жыцці кожнай сям'і, — гаворыць начальнік аддзела ЗАГС райвыканкама Вікторыя Траяновіч. - Разам з пачуццямі радасці і гонару за сваіх дзяцей прыходзяць, вядома ж і клопаты па выхаванні малых. Таму прыміце самыя добрыя і цёплыя пажаданні, каб вашы дзеці выраслі дастойнымі грамадзянамі нашай краіны і радавалі вас.
Да віншаванняў далучылася таксама старшыня Капыльскага сельвыканкама Вольга Купрыенка, якая шчыра пажадала сем'ям і ў першую чаргу нованароджаным малым здароўя, міру, дабра і дабрабыту, а таксама адзначыла, што гэтыя сем'і годны прыклад для многіх сямейных пар, якімі сельскi савет вельмі ганарыцца.
