Павіншаваўшы вернікаў са святам, з днём заступнікаў сям'і, любові і вернасці, іерэй Андрэй Еўшэль пажадаў усім прыемнага баўлення часу і звароту ўвагі на святых угоднікаў Пятра і Фяўронню, якія з'яўляюцца прыкладам чыстай любові, вернасці адзін да аднаго і сапраўднай хрысціянскай сям'і. А самая галоўная задача правядзення святочнага канцэрта «Сям'я - малая Царква» - умацаванне сямейных каштоўнасцяў і захаванне сям'і. Бо сям'я - гэта вялікі дар ад Бога.
Свята было падрыхтавана сіламі пеўчых Спаса-Узнясенскага храма, супрацоўнікамі дзіцячай школы мастацтваў і салістамі народнага ансамбля «Спадчына» Іны Місючэнка і Юліі Навумовіч.
