Прыхаджане і прадстаўнікі раённай улады, старшыня райвыканкама Сяргей Пілішчык і старшыня раённага Савета дэпутатаў Ірына Кісляк, сустракалі біскупа Яўсевія хлебам-соллю.
Шмат вернікаў сабралася ў святочны дзень, які аб'яднаў цэлыя сем'і.
У храме Узнясення Гасподняга адбылася Боская літургія, якую ўзначаліў біскуп Слуцкі і Салігорскі Яўсевій у саслужэнні благачыннай Капыльскай царкоўнай акругі, настаяцеля храма, іерэя Андрэя Еўшэля, настаяцеля парафіі кафедральнага сабора Нараджэння Хрыстова ў г. Салігорску, протаіерэя Сяргея Чорнага, клірыка Міхайлаўскага сабора горада Слуцка,, протадыякана Ігара Мартыса і іншых святароў Слуцкай епархіі. Парафіяльны хор выканаў богаслужэбныя спевы пад кіраўніцтвам рэгента Ларысы Саковіч.
У дзень памяці святых апосталаў Пятра і Паўла Праваслаўная Царква ўзгадвае двух святых, якія прыклалі вялізныя намаганні ў распаўсюджванні веры ў Госпада нашага Ісуса Хрыста.
Святым першавярхоўным апосталам Пятру і Паўлу моляцца аб тым, каб зацвердзіцца ў веры. Святыя могуць дапамагчы ў звароце да Хрыстовай веры іншаверцаў і ў дапамозе тым людзям, хто страціў веру ў Хрыста. Святыя Пётр і Павел дапамагаюць у вылячэнні ад фізічных і душэўных хвароб, бо ім пры іх жыцці яшчэ былі дадзены цудоўныя здольнасці ацаленьня людзей.
Наталля ДАВЫДЗЕНКА