Падчас агляду лыжаролернай трасы
На пасяджэнні гаворка ішла пра тое, што мерапрыемства ідзе па гарадах Беларусі ўпэўнена і яскрава. Але, як адзначыў Іван Станіслававіч, Капыль павінен здзівіць гасцей і ўдзельнікаў.
Старшыня райвыканкама Сяргей Пілішчык далажыў, што падрыхтоўка да правядзення «Вытокаў» ідзе, абапіраючыся на вопыт, атрыманы раней: падчас святкавання XXVIII Дня беларускага пісьменства і абласнога свята-кірмашу «Дажынкі-2021».
Начальнік галоўнага ўпраўлення спорту і турызму Мінаблвыканкама Яўген Булойчык адзначыў, што на свяце будуць прадстаўлены 26 спартыўных федэрацый Беларусі. Аднак галоўнымі героямі мерапрыемства стануць, вядома ж, дзеці, якія змогуць узяць удзел у алімпійскім квэсце.
Да прыняцця «Вытокаў» рыхтуюцца ўсе службы, арганізацыі і прадпрыемствы Міншчыны ў цэлым і Капыльскага раёна ў прыватнасці. Шырока будуць прадстаўлены выставачная, культурная і конкурсная праграмы, асаблівай разнастайнасцю прыцягне фудкорт. На свяце пройдуць спартыўныя семінар-практыкумы, майстар-класы па маляванні і шмат іншага. «Роднае-Моднае» – пад такой назвай адбудзецца прэзентацыя калекцыі адзення беларускіх дызайнераў.
Пасля пасяджэння члены штаба агледзелі лыжаролерную трасу ў капыльскай зоне адпачынку. Менавіта яе абновяць і асучасняць да свята.
Дыяна ТКАЧАНКА
Фота Паўла ШЭІНА
