Капыльскі вопытны лясгас другі год запар удастоены такой высокай узнагароды. У 2021 годзе - дыпламант конкурсу, у 2022 годзе - пераможца.
Конкурс штогод праводзіцца Беларускай гандлёва-прамысловай палатай сумесна з зацікаўленымі міністэрствамі, дзяржаўнымі камітэтамі, канцэрнамі, аблвыканкамамі, Мінскім гарвыканкамам, Нацыянальнай акадэміяй навук Беларусі, БУТБ, адміністрацыяй ПВТ і бізнес-саюзамі.
У гэтым годзе мерапрыемства праводзілася ў 16-ы раз. У фінал выйшла 145 прадпрыемстваў, якія зрабілі каля 30% экспарту Беларусі ў мінулым годзе.
На ўрачыстым мерапрыемстве ўшаноўвалі 20 пераможцаў з розных сфер вытворчасці і паслуг.
– Гэта ўзнагарода за працу, майстэрства, прафесіяналізм усяго калектыву лесагаспадарчай установы, – упэўнена намеснік кіраўніка Таццяна Канаплянік.– Высокая ацэнка дзейнасці матывуе не спыняцца на дасягнутым, а працягваць рухацца наперад, шукаючы новых спажыўцоў і асвойваючы новыя краіны для экспарту.
Дыяна ТКАЧАНКА