Прафілактычныя мерапрыемствы прысвечаны папярэджанню ДТЗ з удзелам веласіпедыстаў і пешаходаў, якія ў тым ліку перамяшчаюцца на сродках персанальнай мабільнасці.
У гэты перыяд будзе арганізавана шырокае асвятленне пытанняў бяспечных паводзін, асабліва на пешаходных пераходах, растлумачэнне новаўвядзенняў у Правілы дарожнага руху (якія ўступаюць у сілу з 27 кастрычніка гэтага года) у частцы бяспечнага перамяшчэння на веласiпедах і сродках персанальнай мабільнасці.
З гэтай мэтай інспектары ДАІ наведаюць працоўныя калектывы і дзіцячыя аздараўленчыя лагеры, правядуць маштабныя прафілактычныя мерапрыемствы ў месцах прыцягнення веласіпедыстаў і пешаходаў на сродках персанальнай мабільнасці.
Паўсюдна нарады ДАІ будуць набліжаны да нерэгулюемых пешаходных пераходаў. Таксама інспектары ДПС адпрацуюць участкі аўтамабільных дарог і вуліцы населеных пунктаў, найбольш схільныя да рызыкі ўчынення наездаў на пешаходаў і веласіпедыстаў.
Увага супрацоўнікаў ДАІ будзе нададзена спыненню парушэнняў Правілаў як з боку ўразлівых удзельнікаў дарожнага руху, так і вадзіцеляў, асабліва на пешаходных пераходах.
Падрыхтаваў Павел Шэін