Каманды на ўрачыстай цырымоніі адкрыцця спаборніцтваў прывітаў першы намеснік начальніка Мінскага абласнога ўпраўлення МНС Уладзімір Янчык:
- Прыемна сёння ў страі бачыць знаёмыя каманды, якія ўжо не першы год прыязджаюць на абласныя спаборніцтвы. Не менш прыемна, што шмат новых калектываў, гатовых пераймаць досвед і дэманстраваць сваю падрыхтоўку.
Старшыня Капыльскага раённага выканаўчага камітэта Сяргей Пілішчык таксама прывітаў удзельнікаў спаборніцтваў і пажадаў усім удачы.
Дружыны дэманстравалі сваю падрыхтоўку ў пяці этапах. Журы ацэньвала іх табельнае абсталяванне, каманды паказвалі свае ўменні ў аказанні першай медыцынскай дапамогі, пошуку пацярпелых у зоне хімічнага заражэння, транспарціроўцы ў бяспечную зону. Кожная каманда справілася з задачамі ва ўмоўным ачагу інфекцыйнага захворвання: «выявіць» хворых, адабраць для аналізу пробы грунта і вады.
Па выніках спаборніцтваў першае месца заняла сандружына ААТ «Вілейскі камбікормавы завод». Другое месца - у каманды з філіяла «Стаўбцоўскія электрычныя сеткі». На трэцім месцы апынуліся ўдзельнікі з ААТ «Смалявічы Бройлер». У агульным заліку каманда з Капыльскай ЖКГ заняла толькі 16-е месца.
Павел Шэін
Фота Мінскага абласнога ўпраўлення МНС
Крыніца «СП»
