Першае пасяджэнне Маладзёжнага парламента другога склікання пры Нацыянальным сходзе Рэспублікі Беларусь сабрала 138 актыўных і ініцыятыўных маладых людзей з усёй краіны.
Анастасія Збіруховіч падчас пасяджэння Маладзёжнага парламента (трэцяя справа)
Старшыня Савета Рэспублікі Наталля Качанава падкрэсліла, што сёння ў савеце 81 дзяўчына і 57 хлопцаў. У асноўным працуючая моладзь, якая прадстаўляе ўсе сферы дзейнасці краіны. Заклікала актыўна ўдзельнічаць у заканадаўчай дзейнасці, падказваць. Бо моладзь крэатыўная і ўмее генераваць розныя ідэі. Папрасіла праводзіць актыўную працу з людзьмі.
Маладыя парламентарыі былі падзелены на 10 камісій, быў абраны новы старшыня і два яго намеснікі. Трэба адзначыць, што Анастасія Збіруховіч сёлета ўвайшла ў склад Маладзёжнага савета пры Нацыянальным сходзе Рэспублікі Беларусь і камісіі па пытаннях сацыяльнай палітыкі і аховы здароўя.
— Мне пашчасціла стаць членам Маладзёжнага парламента пры Нацыянальным сходзе Рэспублікі Беларусь, — гаворыць Анастасія. - Першае пасяджэнне з 4 па 5 жніўня ў г. Мінску. За гэтыя два дні я яшчэ раз пераканалася ў тым, наколькі Беларусь багатая на таленавітых маладых людзей, якія імкнуцца наперад, не забываючы пра тое, што светлая будучыня краіны ў нашых руках, у руках моладзі. Я цвёрда ўпэўнена ў тым, што пры нашай актыўнай жыццёвай пазіцыі Рэспубліка Беларусь стане яшчэ мацнейшай, незалежнай і квітнеючай. На пасяджэнні Маладзёжнага парламента пашчасціла пагутарыць са старшынёй Савета Рэспублікі Нацыянальнага сходу Рэспублікі Беларусь Наталляй Іванаўнай Качанавай. Нашыя зносіны адбыліся ў фармаце адкрытага дыялогу. Яна адказала на ўсе пытанні, якія нас цікавяць, а таксама выказала глыбокае перакананне ў тым, што моладзь - гэта апора нашай краіны. Ужо дакладна выбудаваны механізм работы ў Маладзёжным парламенце, а таксама пастаўлены канкрэтныя мэты і задачы, якія будуць рэалізоўвацца на працягу бліжэйшых двух гадоў работы Маладзёжнага парламента другога склікання.
Таццяна Бохан
Крыніца «СП»
