Дыялогавая пляцоўка на тэму «Наркотыкі. Адказнасць. Наступствы» адбылася ў Капылі.
Арганізатарамі мерапрыемства выступілі райкам ГА «БРСМ», рэдакцыя газеты «Слава працы» сумесна з цэнтральнай раённай бальніцай, дзе і прайшла сустрэча. Правядзенню мерапрыемства таксама спадарожнічалі дні адчыненых дзвярэй у медустанове з 20 па 30 верасня.
Урач-псіхіятр-нарколаг Аляксандр Гайдэль расказаў навучэнцам дзвюх гарадскіх школ і Капыльскага дзяржаўнага каледжа аб шкодных наступствах курэння, алкаголю і наркотыкаў на арганізм.
Першай справай Аляксандр Гайдэль паведаміў аб залежнасці ад падобных дзеянняў. Было згадана і аб таксікаманіі, прыведзены выпадкі, калі шкодныя звычкі зламалі жыццё яшчэ ў падлеткавым узросце. Аляксандр Іосіфавіч адзначыў, што пры выяўленні ўжывання юнакамі і дзяўчатамі наркотыкаў і іншых згубных сродкаў прыводзіцца ў дзеянне заканадаўчая база дзяржавы - артыкул 328 Крымінальнага кодэкса Рэспублікі Беларусь «Незаконны абарот наркатычных сродкаў, псіхатропных рэчываў, іх прэкурсораў і аналагаў».
- Справакаваць першае ўжыванне можа шмат: пачуццё цікаўнасці, жаданне не здацца белай варонай сярод астатніх, - сказаў Аляксандр Іосіфавіч. - Але затым з'яўляецца залежнасць на ўзроўні біялогіі і псіхікі, а чалавек сябе менш кантралюе. Парушаецца праца нервовай сістэмы, пакутуюць печань, ныркі, а самае галоўнае - скарачаецца тэрмін жыцця.
Псіхолаг Алена Стасевіч распавяла, што трэба навучыцца казаць «не» ў грамадстве - гэта выхавае ў чалавеку добрую рэпутацыю сярод аднагодкаў. Важна не толькі ведаць, але і расказваць сябрам аб тым, што шкодныя звычкі аказваюць згубны ўплыў. Таму неабходна агароджваць сябе ад падобных праблем, тым самым захоўваючы сабе і іншым жыццё і здароўе.
- Чалавек, які ўжывае наркотыкі, непазбежна «залазіць» у крымінал, паколькі растуць выдаткі на іх набыццё, - падкрэсліла Алена Стасевіч. - Ламаюцца жыццёвыя перспектывы, псуюцца адносіны са сваякамі, з'яўляюцца дэпрэсіі на фоне адсутнасці чарговай дозы.
Першы сакратар РК ГА «БРСМ» Анастасія Збіруховіч выказала ўдзячнасць урачам за ўрокі здароўя. Яна адзначыла, што дзякуючы магчымасцям маладзёжнай грамадскай арганізацыі можна з карысцю правесці свой вольны час, тым самым засцерагшы сябе і сваіх аднагодкаў ад гэтай бяды.
– Перш за ўсё трэба задумацца, ці варта ісці на такія неабдуманыя крокі, – адзначыла Анастасія, заклікаўшы юнакоў і дзяўчат не станавіцца на «цёмны» шлях.
Рэдактар інтэрнэт-рэсурсу газеты «Слава працы» Павел Шэін адзначыў, што на сайце раённай газеты, у сацыяльных сетках «СП» таксама размяшчаюцца матэрыялы прафілактычнага характару:
– У поўным узаемадзеянні з Капыльскай ЦРБ, РАУС і райкамам БРСМ мы часта публікуем матэрыялы, дзе закрануты аспекты ўжывання алкаголю, цыгарэт ці наркотыкаў. Можна часта бачыць матэрыялы аб прафілактыцы шкодных звычак, праводзiмых акцыях у раёне.
Напрыканцы сустрэчы кожнаму раздалі буклеты і наглядную прадукцыю.
Наш кар.
Крыніца «СП»
