Найбольш актуальным метадам аховы правапарадку ў цяперашні час з'яўляецца добраахвотная дружына, якая пад кіраўніцтвам супрацоўнікаў міліцыі дапамагае ажыццяўляць ахову правапарадку на вуліцах Капыля і раёна.
■ Участковыя Андрэй Ясючэня і Эдуард Шашкін разам з членамі дружыны Андрэем Лагутай і Яўгенам Пуцейкам
Як паведаміў намеснік начальніка аддзела аховы правапарадку і прафілактыкі РАУС Уладзімір Сувораў, зараз на Капыльшчыне сфарміравана 11 добраахвотных дружын, з іх 10 - у сельскай мясцовасці ад кожнага сельвыканкама і адна ў райцэнтры. Усяго добраахвотнікаў - 104.
Сумесна з супрацоўнікамі міліцыі дружыннікі ажыццяўляюць ахову грамадскай бяспекі не менш за адзін раз на тыдзень. Так, дзякуючы зладжаным дзеянням на чале з міліцыянерамі сёлета былі выяўлены тры адміністрацыйныя правапарушэнні, па выніках якіх вінаватыя асобы прыцягнуты да ўстаноўленай законам адказнасці.
– Адзначым, што ў раёне таксама сфарміраваны маладзёжны атрад аховы правапарадку (МААП), – падзяліўся Уладзімір Уладзіміравіч. - Яго байцы ў рамках сваёй кампетэнцыі сумесна з супрацоўнікамі Капыльскага РАУС і БРСМ прымаюць актыўны ўдзел у сферы прафілактыкі правапарушэнняў.
Павел Шэін
Крыніца «СП»
