Прышчэпка дапамагае знізіць захворванне і абароніць ад небяспечных ускладненняў.
■ Медсястра кабінета імунапрафілактыкі Таццяна Громава робіць прышчэпку ад грыпу
Больш падрабязна пра тое, як жыхары раёна імкнуцца захаваць здароўе, распавяла загадчыца паліклінікі Капыльскай ЦРБ Ларыса Пацяйковіч:
- Якой бы ні была падступнай хвароба, работнікі ўстаноў аховы здароўя гатовы да барацьбы з віруснымі інфекцыямі, - кажа Ларыса Уладзіміраўна. - Людзі ведаюць, што ў восеньскі перыяд можна абараніць свой арганізм з дапамогай прышчэпкі. Першапачаткова абарона ад грыпу важна для асоб, якія адносяцца да групы высокай рызыкі цяжкай плыні, неспрыяльных наступстваў грыпу і вялікай верагоднасці захворвання на грып. Безумоўна вакцынацыя неабходна для медыцынскіх і фармацэўтычных работнікаў, прадстаўнікоў дзяржаўных органаў, таксама працуючых у галіне адукацыі, гандлю, грамадскага харчавання і іншых. Перад правядзеннем вакцынацыі ўрач агульнай практыкі па стандартнай схеме правярае стан здароўя пацыента. Цікавіцца, ці няма алергічных рэакцый на раней зробленую прышчэпку.
۷ Сёлета вакцынацыя ад грыпу будзе ажыццяўляцца дзвюма вакцынамі «Грыпол Плюс» (Расія) і «ВаксігрыпТэтра» (Францыя)
Варта адзначыць, што таксама праходзіць вакцынацыя і ад Ковід-19. У Капыльскім раёне многія людзі загадзя паклапаціліся аб сваім здароўі, зрабіўшы прышчэпку ад каранавіруснай інфекцыі. Дапускаецца ў адзін дзень правесці вакцынацыю і ад грыпу, і ад Ковід-19, за выключэннем жывых вакцын. Таксама можна выканаць мінімальны інтэрвал у два тыдні паміж увядзеннем вакцын.
Усе мы ведаем што пасля таго, калі прышчэпіцца большая частка насельніцтва, выпрацуецца калектыўны імунітэт. А стандартныя меры прафілактыкі, такія як нашэнне медыцынскай маскі ў грамадскіх месцах, апрацоўванне рук антысептычным сродкам для кожнага з нас сталі штодзённай справай.
У паліклініцы Капыльскай ЦРБ прышчэпку можна зрабіць у каб. № 202, папярэдне наведаўшы каб. № 107, дзе лекар правядзе агляд. Трэба адзначыць, што кожны год арганізацыя вакцынацыі праходзіць і ў працоўных калектывах.
Наталля ДАВЫДЗЕНКА
Крыніца «СП»