Напрыклад, спецыялістамі Капыльскага ТЦСАН падрыхтавана акцыя-віншаванне маці, якія пражываюць сумесна з паўналетнімі дзецьмі, прызнанымі недзеяздольнымі. Цікавым стане і мерапрыемства з запускам фота ў сацсетках «Маміна копія» з хэштэгам #маминакопия.
Святочны тыдзень — добрая нагода для абмеркавання важных пытанняў. Таму ў рамках Тыдня маці правядуць круглы стол з прадстаўніком рускай праваслаўнай царквы для маладых інвалідаў і іх маці «Блаславі, Бог, сям'ю!». Таксама спецыялістамі ТЦСАН сумесна з аддзелам ЗАГС Капыльскага райвыканкама, УАЗ «Капыльская ЦРБ» для сем'яў, якія выхоўваюць непаўналетніх дзяцей, навучэнцаў Капыльскага дзяржаўнага каледжа арганізуюць круглы стол на тэму: «Адказнае мацярынства».
Акрамя таго, у рамках акцыі «Святло матчынай зоркі» віншаванні будуць прымаць маці, якія з'яўляюцца інвалідамі і выхоўваюць непаўналетніх дзяцей. А акцыя-выстава «Маміны пірагі» пройдзе сярод работнікаў ТЦСАН (у тым ліку сацыяльных работнікаў) і іх непрацаздольных бацькоў.
Дзіцячая бібліятэка збярэ аматараў прыгожага полу падчас правядзення інтэрактыўнай выставы-ушаноўвання і гадзіны адкрытай гутаркі «Бацькоў шануй – не саб'ешся з сапраўднага шляху». А раённая цэнтральная бібліятэка ім. А. Астрэйка прадставіць для сваіх чытачоў літаратурна-паэтычную кампазіцыю «Сэрца матулі», а таксама парадуе выставай-дыялогам «Святая тройца зямлі: дзіця, маці, бацька».
Прыгажосці і феерыі падзеі дададуць установы культуры, дзе запланаваны гадзіны адпачынку і добрага настрою, літаратурна-музычныя віншаванні, творчыя выставы і святочныя канцэрты. Непасрэдна ў дзень свята — 14 кастрычніка — у раённым цэнтры культуры адбудзецца святочны канцэрт «Аповяд ад сэрца і душы аб тым, якія мамы добрыя!».
Не засталiся ў баку ад свята ўстановы адукацыі Капыльшчыны і дзіцячая школа мастацтваў: тут пройдуць музычныя анлайн-паштоўкі, акцыя «Дзясятка для мамы» і выстава дэкаратыўна-прыкладнога мастацтва.
Таццяна Бохан
Крыніца «СП»
