Мерапрыемства арганізавана з мэтай фарміравання пазітыўнага вобраза навукі, павышэння яе аўтарытэту, прыцягнення ўвагі шырокіх слаёў грамадскасці да дасягненняў беларускіх вучоных. Конкурс праводзіцца па чатырох намінацыях: найлепшая публікацыя; лепшая публікацыя ў навукова-папулярным выданні, лепшы сюжэт (праграма) на радыё і тэлебачанні і лепшае прадстаўленне дасягненняў НАН Беларусі ў сетцы Інтэрнет.
Вылучэнне кандыдатур на конкурс ажыццяўляецца ў парадку і ў тэрміны, устаноўленыя Палажэннем аб конкурсе, зацверджаным Пастановай Бюро Прэзідыума НАН Беларусі ад 4 сакавіка 2015 г. № 77.
Матэрыялы вылучэння ў тэрмін да 20 снежня 2022 г. прадастаўляюцца камісіі на папяровым і электронным носьбітах па адрасе: г.Мінск, праспект Незалежнасці, 66 – 411 і па электроннай пошце: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.
ЗАЦВЕРДЖАНА
Пастанова Бюро Прэзідыума Нацыянальнай акадэміі навук Беларусі
04.03.2015 № 77
(у рэдакцыі пастановы Бюро Прэзідыума Нацыянальнай акадэміі навук Беларусі
31.12.2019 № 660)
ПАЛАЖЭННЕ
аб конкурсе на лепшае прадстаўленне навуковых дасягненняў у сродках масавай інфармацыі
ГЛАВА I
АГУЛЬНЫЯ ПАЛАЖЭННІ
- Конкурс на лепшае прадстаўленне навуковых дасягненняў у сродках масавай інфармацыі (далей – конкурс) праводзіцца ў мэтах фарміравання цэласнага пазітыўнага вобраза навукі, павышэння яе аўтарытэту, прыцягнення ўвагі шырокіх слаёў грамадскасці да дасягненняў беларускіх вучоных, прадстаўлення актуальнай інфармацыі аб распрацоўках, якія праводзяцца ў мэтах сацыяльна-эканамічнага развіцця краіны, стымулявання творчай і прафесійнай актыўнасці як журналістаў, так і непрафесійных папулярызатараў навукі.
- Конкурс праводзіцца штогод да Дня беларускай навукі.
- Конкурс праводзіцца ў наступных намінацыях:
лепшая публікацыя;
лепшы сюжэт (праграма) на радыё і тэлебачанні;
лепшая публікацыя ў навукова-папулярным выданні;
лепшае прадстаўленне дасягненняў Нацыянальнай акадэміі навук Беларусі ў сетцы Інтэрнет.
Па кожнай з намінацый прысуджаюцца тры прэміі.
- Інфармацыя аб правядзенні конкурсу публікуецца ў навуковай, вытворча-практычнай газеце «Навука», размяшчаецца на афіцыйным інтэрнэт-сайце Нацыянальнай акадэміі навук Беларусі, даводзіцца да Міністэрства інфармацыі Рэспублікі Беларусь і сродкаў масавай інфармацыі Рэспублікі Беларусь да 15 красавіка конкурснага года.
- Прэміі ў кожнай з намінацый прысуджаюцца аўтарам за глыбокае раскрыццё выбранай тэматыкі, высокі ўзровень адаптацыі і трансфармацыі вузкаспецыяльных пытанняў для ўспрымання шырокай аўдыторыі, за эксклюзіўнасць асвятляемай тэматыкі і герояў, стылістычнае афармленне публікацыі.
- Прэміі прысуджаюцца фізічным асобам - прафесійным журналістам і пазаштатным аўтарам дзяржаўных і недзяржаўных сродкаў масавай інфармацыі.
Прэмія можа прысуджацца як індывідуальна, так і калектыву суіскальнікаў, які складаецца не больш чым з трох чалавек. Пры прысуджэнні прэміі калектыву аўтараў грашовая частка прэміі дзеліцца пароўну паміж членамі калектыву.
- На конкурс дапускаецца вылучэнне не больш за пяць работ ад аднаго аўтара.
- Конкурсныя работы прадстаўляюцца за год.
- Конкурсныя работы разглядаюцца Конкурснай камісіяй Нацыянальнай акадэміі навук Беларусі для вылучэння лаўрэатаў конкурсу на лепшае прадстаўленне навуковых дасягненняў у сродках масавай інфармацыі (далей - Конкурсная камісія), склад якой зацвярджаецца пастановай Бюро Прэзідыума Нацыянальнай акадэміі навук Беларусі.
- Рашэнне аб прысуджэнні прэмій прымаецца пастановай Бюро Прэзідыума Нацыянальнай акадэміі навук Беларусі на аснове рэкамендацый Конкурснай камісіі.
- Грашовая ўзнагарода па адной прэміі складае 3 базавыя стаўкі (у памеры, устаноўленым на дату прыняцця рашэння аб вызначэнні пераможцаў конкурсу).
- Выплаты грашовай узнагароды робяцца са сродкаў цэнтралізаванага фонду Нацыянальнай акадэміі навук Беларусі.
ГЛАВА II
ПАРАДАК ВЫЛУЧЭННЯ КАНДЫДАТУР НА КОНКУРС
- Права вылучэння работ для ўдзелу ў конкурсе прадастаўляецца рэдакцыям сродкаў масавай інфармацыі, якія размясцілі работу, а таксама аўтару ў парадку самавылучэння.
- Работы, якія прадстаўляюцца на конкурс, накіроўваюцца ў Конкурсную камісію з паметкай «На конкурс на лепшую публікацыю», «На конкурс на лепшы тэле- і радыёсюжэт», «На конкурс на лепшую публікацыю ў навукова-папулярным выданні», або «На конкурс на лепшае прадстаўленне дасягненняў Нацыянальнай акадэміі навук Беларусі ў сетцы Інтэрнет». Камплекты дакументаў прадастаўляюцца Конкурснай камісіі на папяровым і электронным носьбітах па адрасе: г. Мінск, праспект Незалежнасці, 66 і па электроннай пошце: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду..
У камплект дакументаў уваходзяць:
заяўка, падпісаная кіраўніком і завераная адпаведна пячаткай рэдакцыі, інфармацыйнага агенцтва, дырэкцыі з указаннем намінацыі, на якую заяўляецца работа, даты і месца апублікавання ці выхаду ў эфір, прозвішча, імя, імя па бацьку і пасады аўтара, кароткага анонсу заяўленых матэрыялаў;
непасрэдна публікацыі, сюжэты, матэрыялы па заяўленай намінацыі.
- Камплект дакументаў накіроўваецца рэдакцыямі сродкаў масавай інфармацыі, якія размясцілі работу, а таксама аўтарамі публікацый да 20 снежня конкурснага года.
- Прэс-сакратар Нацыянальнай акадэміі навук Беларусі да 7 студзеня года, наступнага за конкурсным годам, прадстаўляе камплекты дакументаў ва ўпраўленне прэмій, стыпендый і ўзнагарод Галоўнага ўпраўлення кадраў і кадравай палітыкі апарату Нацыянальнай акадэміі навук Беларусі.
ГЛАВА III
ПАРАДАК РАЗГЛЯДУ РАБОТ, ПАДСТАЎЛЕНЫХ НА КОНКУРС
- Пасяджэнні Конкурснай камісіі праводзяцца пад кіраўніцтвам яе старшыні. У адсутнасць старшыні або па яго даручэнні пасяджэнні праводзяцца пад кіраўніцтвам намесніка старшыні Конкурснай камісіі.
- Пасяджэнне Конкурснай камісіі лічыцца правамоцным, калі ў ім прымае ўдзел не менш як дзве трэці ад зацверджанага персанальнага складу.
- Для аналізу паступіўшых работ і выпрацоўкі рэкамендацый па кожнай з намінацый рашэннем старшыні Конкурснай камісіі вызначаюцца рэцэнзенты, якія дакладваюць на пасяджэнні Конкурснай камісіі аб выніках рэцэнзавання работ.
- Члены Конкурснай камісіі шляхам галасавання (форму галасавання ўстанаўлівае камісія) вызначаюць работы, рэкамендаваныя для прысуджэння прэмій. У аснову ацэнкі конкурсных работ пакладзена бальная сістэма (прыкладаецца).
Рэкамендацыі Конкурснай камісіі па прысуджэнні прэмій афармляюцца пратаколам за подпісам старшыні і сакратара камісіі.
- Аўтары работ, прадстаўленых на конкурс, якія з'яўляюцца членамі Конкурснай камісіі, не могуць прымаць удзел у яе рабоце. Яны таксама не маюць права знаёміцца з работамі, вылучанымі на конкурс у бягучым годзе.
- Рэкамендацыі Конкурснай камісіі па прысуджэнні прэмій прадстаўляюцца на зацвярджэнне Бюро Прэзідыума Нацыянальнай акадэміі навук Беларусі да 15 студзеня года, наступнага за конкурсным годам.
ГЛАВА IV
ПАДВЯДЗЕННЕ ВЫНІКАЎ КОНКУРСУ
- Інфармацыя аб выніках конкурсу публікуецца ў навуковай, вытворча-практычнай газеце «Навука», размяшчаецца на афіцыйным інтэрнет-сайце Нацыянальнай акадэміі навук Беларусі, даводзіцца да сродкаў масавай інфармацыі Рэспублікі Беларусь.
- Пераможцам конкурсу ва ўрачыстай абстаноўцы ўручаецца дыплом. Дыпломы падпісваюцца Старшынёй Прэзідыума Нацыянальнай акадэміі навук Беларусі і галоўным вучоным сакратаром Нацыянальнай акадэміі навук Беларусі. Дыплом уручаецца кожнаму з лаўрэатаў.
Прыкладанне
да Палажэння аб конкурсе на лепшае прадстаўленне навуковых дасягненняў у сродках масавай інфармацыі
Бальная сістэма ацэнкі работ, прынятых да ўдзелу ў конкурсе на лепшае прадстаўленне навуковых дасягненняў у сродках масавай інфармацыі
№ п.п |
Крытэрый ацэнкі |
Ацэнка |
|||
4 балы (выдатна) |
3 балы (добра) |
2 балы (здавальняюча) |
1 бал (нездавальняюча) |
||
1. |
Актуальнасць тэматыкі |
||||
2. |
Узровень адаптацыі тэрміналогіі, метадаў навуковага пазнання, якія выкарыстоўваюцца ў даследаваннях тэхналогій і г.д. для ўспрымання шырокага кола чытачоў (гледачоў, слухачоў) |
||||
3. |
Эксклюзіўнасць тэматыкі |
||||
4. |
Эксклюзіўнасць герояў публікацыі, сюжэту, інтэрв'ю |