Незвычайны ўрок фінансавай граматнасці з апусканнем у прафесію для гімназістаў арганізавалі супрацоўнікі аддзела занятасці і ЦБП №609 ААТ «ААБ Беларусбанк» у г.Капылі.
Пра важнасць такіх мерапрыемстваў і не даводзіцца казаць, таму што мы жывем у стагоддзе суцэльных фінансавых аперацый. Падобныя ўрокі спрыяюць фарміраванню творчага мыслення, развіццю інтэлектуальнай здольнасці дзіцяці, выпрацоўцы правільных фінансавых паводзін.
- Штогод мы праводзім прафарыентацыйную акцыю «Дзень з прадпрыемствам», каб дапамагчы школьнікам азнаёміцца з рознымі прафесіямі, бо ім трэба зрабіць выбар прафесіі. У бягучым годзе «Дзень з прадпрыемствам» прайшоў на Капыльскім кааппраме і ва УП«ПIК-Лясное». Плануецца працягнуць акцыю і на іншых прадпрыемствах і арганізацыях нашага рэгіёну, – распавяла намеснік начальніка ўпраўлення па працы, занятасці і сацыяльнай абароне Капыльскага райвыканкама – начальнік аддзела занятасці Ірына Юхо.
Дырэктар ЦБП №609 ААТ «ААБ Беларусбанк» у г.Капылі Кацярына Сомава выказала надзею на тое, што сустрэча за круглым сталом будзе цікавая і паўплывае на будучы выбар прафесіі гімназістаў.
Ад кваліфікаваных супрацоўнікаў хлопцы даведаліся, дзе можна атрымаць адукацыю для працы ў банкаўскай сферы, якія патрабаванні прад'яўляюцца да кожнай з банкаўскіх прафесій, якімі рысамі характару, ведамі і ўменнямі трэба валодаць, каб зрабіць кар'еру ў банку, як выглядае працоўны дзень банкіра.
Фінансавая пісьменнасць навучэнцаў звычайна ўжо звязана з фарміраваннем пэўных зберажэнняў і назапашванняў, а ў старэйшых класах ужо і з заробкамі. У працэсе дыялогу назіралася і тое, што многія падлеткі ўжо ведаюць, колькі і на што выдаткаваць, яны разумеюць, што капейка рубель беражэ. Таму ў займальнай гутарцы загадчык сектара рознічнага і карпаратыўнага бізнесу Святлана Пабока пазнаёміла іх са значэннем фінансава-эканамічнай пісьменнасці ў сучасным жыцці. Распавяла пра крэдыты, якія дзейнічаюць на дадзены момант і з умовамі іх атрымання, відамі банкаўскіх карт, магчымасцямі іх выкарыстання, як дарослымі, так і дзецьмі. Было расказана аб магчымасцях і перавагах дыстанцыйнага банкаўскага абслугоўвання, сучасных плацежных гаджэтах, а таксама аб інфармацыйнай бяспецы: метадах махлярства і спосабах засцерагчы сябе.
- Такія ўрокі, безумоўна, карысныя, - дзеліцца ўражаннямі дзесяцікласнік гімназіі № 1 г.Капыля Ілля Купрыянчык. – Паколькі я з'яўляюся удзельнікам алімпіяды па фінансавай пісьменнасці, мяне вельмі зацікавіла экскурсія ў банк. Там даведаўся шмат новага і цікавага. Нам распавядалі пра фінансавыя ўкладанні, аб махлярстве, аб працы ў банку і пра банкаўскія карты. Мы задавалі цікавячыя нас пытанні, на якія атрымалі кампетэнтныя адказы ад спецыяліста банка.
Таццяна БОХАН
Крыніца «СП»
