Каб папярэдзіць няшчасныя выпадкі на вадаёмах раёна ў перыяды ледаставу, інтэнсіўнага раставання і разбурэння лёду, Капыльскі райвыканкам прыняў рашэнне аб забароне выхаду на лёд на тэрыторыі раёна з 1 снежня 2022 года да заканчэння ледаставу, а таксама ў перыяд інтэнсіўнага раставання і разбурэння лёду або асаблівага распараджэння.
Такі дакумент прыняты ў адпаведнасці з пунктам 50 Правілаў аховы жыцця людзей на водах Рэспублікі Беларусь, зацверджаных пастановай Савета Міністраў Рэспублікі Беларусь № 1623 ад 11 снежня 2009 г.
Для таго, каб прадухіліць гібель людзей, аддзелу ўнутраных спраў райвыканкама, аддзелу па надзвычайных сітуацыях сумесна з раённай арганізацыяй АСВОД у перыяды ледаставу і інтэнсіўнага раставання, а таксама разбурэння лёду на вадаёмах раёна трэба ажыццяўляць сумесныя тлумачальна-прафілактычныя мерапрыемствы і не дапусціць выхаду на лёд.
Усім зацікаўленым службам неабходна арганізаваць у рамках сваёй кампетэнцыі поўнамаштабную тлумачальную працу аб выкананні грамадзянамі мер бяспекі. У тым ліку педагогам рэкамендавана арганізаваць і правесці ва ўсіх навучальных установах раёна прафілактычную работу як з навучэнцамі, так і іх бацькамі па выкананні мер бяспечных паводзін на лёдзе.
Дыяна ТКАЧАНКА
Крыніца «СП»
