Раённы Савет ветэранаў завяршае год з добрымі вынікамі. Арганізацыя не толькі выдатна зарэкамендавала сябе на працягу 2022-га на раённым узроўні, але і паказала сябе са станоўчага боку ў Мінскай вобласці.
Так, падворак Марыі Сандрозд з Капыльскага раёна заняў 2 месца па выніках конкурсу на лепшы ветэранскі падворак Мінскай вобласці. Марыя Леанідаўна на сваіх 40 сотках, размешчаных у вёсцы Сцяпуры, разам з мужам займаецца земляробствам, садоўніцтвам, ёсць пчальнік, трымаюць курэй і трусоў.
■ Людміла Каменка (у цэнтры) з узнагароджанымі прадстаўнікамі Капыльшчыны
Адзначым, што раней праходзіў фестываль нацыянальных культур, дзе лаўрэатам у намінацыі «60+» стаў калектыў «Свае хлопцы» з Капыльскага раёна. Артыстаў ушаноўвалі яшчэ раз на абласной сустрэчы, дзе яны выступілі для ўдзельнікаў мерапрыемства.
Але гэтыя дасягненні - не адзіныя для Савета ветэранаў. У мерапрыемстве цэнтральнага рэгіёну вылучылі і іншых удзельнікаў, якія прадстаўляюць Капыльскі раён. Як падзялілася старшыня раённага Савета ветэранаў Людміла Каменка, у кожнай намінацыі сярод пераможцаў адзначалі некалькі ўдзельнікаў заахвочваючымі прызамі і граматамі. Узнагароды як лепшае добраўпарадкаванне ферм удастоены МТК «Прэснакі», а за кветнік ля пад'езда – Людміла Паўлюшчык з Капыля. Сярод першасных ветэранскіх арганізацый па пытаннях патрыятычнага выхавання адзначана старшыня пяршоўкі ўчастка Слабада-Кучынка ААТ «Старыца-Агра» Святлана Астрэйка. Сярод валанцёраў адзначылі Ядвігу Бярозку. Таксама граматы была ўдастоена старшыня Бабаўнянскага сельвыканкама Ірына Запольская за ўклад у супрацоўніцтва і садзейнічанне арганізацыі раённага конкурсу на лепшы ветэранскі падворак.
Павел Шэін
Крыніца «СП»
