Адным з патэнцыйна небяспечных часовых прамежкаў, калі здзяйсняецца найбольшая колькасць аўтааварый з удзелам непаўналетніх, з'яўляецца перыяд канікул. Прычына: няўважлівасць, бестурботнасць дзяцей на дарозе і адсутнасць кантролю за іх вольным часам з боку дарослых.
З мэтай прафілактыкі ДТЗ з удзелам непаўналетніх, напярэдадні і падчас зімовых школьных канікул, з 19 снежня 2022 года па 8 студзеня 2023 года Дзяржаўтаінспекцыя Капыльскага раёна праводзіць абласную прафілактычную акцыю «Бяспечныя канікулы».
У ходзе акцыі супрацоўнікі МГБ Капыльскага РАУС правядуць інфармацыйна-тлумачальныя гутаркі ва ўстановах адукацыі, працоўных калектывах, арганізацыях і на бацькоўскіх сходах. У гутарках выступоўцы растлумачаць як дзецям, так і дарослым правілы бяспечных паводзін у транспарце, на дарозе, дваровых тэрыторыях, надаўшы асаблівую ўвагу выкарыстанню святлоадбівальных элементаў у цёмны час сутак. Таксама інспектары і нагадаюць правілы пераходу праезнай часткі на пешаходных пераходах і недапушчальнасці выкарыстання пры гэтым гаджэтаў і навушнiкаў.
Даведачна, за 11 месяцаў бягучага года на тэрыторыі Міншчыны адбылося 72 ДТЗ з удзелам дзяцей, у выніку якіх 6 дзяцей загінулі, 75 — атрымалі траўмы рознай ступені цяжкасці. 21 ДТЗ адбыліся па віне саміх дзяцей. На тэрыторыі Капыльскага раёна з пачатку бягучага года зарэгістравана 3 ДТЗ з удзелам непаўналетніх.
Асноўнымі памылкамі пацярпелых непаўналетніх у выніку ДТЗ з'явіліся: пераход праз праезную частку па-за пешаходным пераходам, нечаканы выхад з-за транспартнага сродку або іншых перашкод, якія абмяжоўваюць агляднасць кіроўцу, а таксама знаходжанне на праезнай частцы без суправаджэння дарослых.
Так як у канікулярны перыяд заўсёды намячаецца актыўная перавозка дзяцей, а статыстыка дарожна-транспартных здарэнняў з удзелам непаўналетніх кажа пра тое, што ў большай ступені пацярпелі дзеці-пасажыры — пад асаблівым кантролем вартавы дарог будуць вадзіцелі, якія адказваюць за бяспеку перавозкі сваіх пасажыраў.
АДАІ Капыльскага РАУС нагадвае, што за парушэнне правілаў перавозкі дзяцей у адпаведнасці з ч. 6 арт. 18.13 КоАП Рэспублікі Беларусь у дачыненні да вадзіцеля накладаецца адміністрацыйнае спагнанне ў выглядзе штрафу ў памеры да 4 б.в. За паўторнае дадзенае правапарушэнне на працягу года прадугледжана адміністрацыйная адказнасць у адпаведнасці з ч. 14 арт. 18.13 КоАП Рэспублікі Беларусь ад 2 да 8 б.в.
Паважаныя дарослыя! У абавязковым парадку перавозіце дзяцей толькі прышпіленымі рамянямі бяспекі, а для дзяцей малодшага ўзросту выкарыстоўвайце спецыяльныя ўтрымліваючыя прылады!
Дзяржаўтаінспекцыя Мінскай вобласці звяртае ўвагу дарослых і нагадвае пра тое, што менавіта яны ў першую чаргу нясуць адказнасць за сваіх дзяцей да іх паўналецця! Неабходна на асабістым станоўчым прыкладзе прывучаць дзіця да гранічнай увагi, дысцыпліны і няўхільнага выканання правілаў дарожнага руху.
АДАІ Капыльскага РАУС