У мэтах папярэджання бытавога траўматызму, а таксама парушэнняў грамадскага парадку з выкарыстаннем піратэхнічных вырабаў напярэдадні навагодніх свят Капыльскім РАУС праводзяцца мерапрыемствы па ўсталяванні гандлёвых кропак, якія незаконна рэалізуюць піратэхнічныя вырабы.
Як папярэджвае начальнік Капыльскага РАУС Рыгор Рабцаў, у выпадку выяўлення фактаў рэалізацыі піратэхнічных вырабаў без адпаведных дакументаў прадавец можа быць прыцягнуты да адміністрацыйнай адказнасці па арт.13.3 КоАП Рэспублікі Беларусь (Незаконная прадпрымальніцкая дзейнасць). Санкцыя - накладанне штрафу ў памеры ад дзесяці да пяцідзесяці базавых велічынь, на індывідуальнага прадпрымальніка - ад дзесяці да двухсот базавых велічынь з канфіскацыяй да ста працэнтаў сумы даходу, атрыманага ў выніку такой дзейнасці, або без канфіскацыі, а на юрыдычную асобу – да пяцісот базавых велічынь з канфіскацыяй да ста працэнтаў сумы даходу, атрыманага ў выніку такой дзейнасці, або без канфіскацыі, альбо па арт.24.30 КоАП Рэспублікі Беларусь (парушэнне правілаў абыходжання з агнястрэльнай зброяй, выбуханебяспечнымі, лёгкаўзгаральнымі, з'едлівымі рэчывамі або піратэхнічнымі вырабамі) – накладанне штрафу ў памеры да дзесяці базавых велічынь. Тое ж дзеянне, здзейсненае паўторна на працягу аднаго года пасля накладання адміністрацыйнага спагнання за такое ж парушэнне, цягне накладанне штрафу ў памеры ад дзесяці да дваццаці базавых велічынь з канфіскацыяй прадмета адміністрацыйнага правапарушэння або без канфіскацыі альбо пазбаўленне права займацца пэўнай дзейнасцю з канфіскацыяй прадмета адміністрацыйнага правапарушэння або без канфіскацыі.
У выпадку ўстанаўлення факта выкарыстання піратэхнічных вырабаў у грамадскім месцы падобныя дзеянні будуць кваліфікавацца па арт. 19. 1 КоАП Рэспублікі Беларусь (дробнае хуліганства), за што прадугледжана накладанне штрафу ў памеры ад двух да трыццаці базавых велічынь або грамадскія працы, або адміністрацыйны арышт.
Сяргей КОЗЕЛ
Крыніца «СП»
