На чарговым пасяджэнні Прэзідыума Капыльскага раённага Савета ветэранаў па падвядзенні вынікаў працы не было традыцыйных сухіх справаздач. Як падкрэсліла старшыня раённай арганізацыі Людміла Каменка, уся дзейнасць рэгулярна асвятляецца на старонках раённай газеты, на сайтах, таму гэта і ёсць своеасаблівая справаздача.
Пасяджэнне было прысвечана прыемным момантам. Напрыклад, намеснік старшыні райвыканкама Аляксандр Дубіна ўзнагародзіў пераможцаў абласнога спаборніцтва на лепшы ветэранскі падворак. Так, у намінацыі «Кветкі ля пад'езда» адзначана Людміла Паўлюшчык з Капыля, за лепшае добраўпарадкаванне ферм — Галіна Кузняцова, загадчыца МТК «Камень» ААТ «Прэснакi», адной з лепшых у намінацыі «У авангардзе патрыятычных спраў» прызнана першасная арганізацыя ўчастка «Слабада-Кучынка» ААТ «Старыца-Агра», якую ўзначальвае Святлана Астрэйка.
- Конкурс на лепшы ветэранскі падворак праводзіцца даўно. І за гэты час мы імкнуліся ахапіць як мага больш удзельнікаў, - адзначыў Аляксандр Дубіна. — Мерапрыемства шырыцца і да яго праяўляецца вялікая цікавасць у ветэранаў. І гэта вельмі важна. Бо гэта не толькі навядзенне парадку на зямлі, але і занятасць ветэранаў, вялікая выхаваўчая работа. Над стварэннем прыгажосці побач са старэйшым пакаленнем працуюць іх дзеці, унукі.
Акрамя таго, былі адзначаны актывісты раённай ветэранскай арганізацыі Ганна Торык, Тамара Дубовік, Уладзімір Выскварка, Ганна Лупанос, Марыя Дарашэвіч.
Прыемна, што за 2022 год раённае аб'яднанне папоўнілася сям'ю новымі пяршоўкамі. У яго ўвайшлі ветэраны з Капыльскага кааппрама, Капыльскага дзяржаўнага каледжа, Лясноўскай, Каменскай і Цімкавіцкай сярэдніх школ, Капыльскай спецыяльнай школы-інтэрната, аўтапарка №21. З павучальным словам да пачаткоўцам звярнуліся актывісты ветэранскага руху.
Пагаварылі прысутныя і пра бяспеку. Некаторыя рэкамендацыі ім дала спецыяліст райаддзела па надзвычайных сітуацыях Марыя Дзічкоўская.
Сяргей КОЗЕЛ
Крыніца «СП»
