У Маскве адбылося пасяджэнне 63-й сесіі Парламенцкага сходу Саюза Беларусі і Расіі. Асноўным вынікам яго працы стала прыняцце бюджэту Саюзнай дзяржавы на 2023 год. Бюджэт Саюзнай дзяржавы з'яўляецца ўнікальным інструментам інтэграцыйнага ўтварэння. У сувязі з гэтым пытанні, звязаныя з яго фарміраваннем і выкананнем, заўсёды знаходзяцца ў цэнтры ўвагі дэпутатаў. Аб напаўняльнасці бюджэту і яго расходнай частцы карэспандэнту БЕЛТА расказала старшыня Пастаяннай камісіі па бюджэце і фінансах Палаты прадстаўнікоў, намеснік старшыні Камісіі Парламенцкага сходу па бюджэце, падатках і фінансавым рынку Людміла Ніжэвіч.
«Бюджэт Саюзнай дзяржавы на 2023 год па даходах вызначаны ў суме 5 966 млн расійскіх рублёў, па расходах — у суме 5 066,5 млн расійскіх рублёў. Прафіцыт склаў 899,5 млн расійскіх рублёў. У 2022-м прафіцыт складаў 1 487,4 млн расiйскіх рублёў, - распавяла Людміла Ніжэвіч. - Даходы бюджэту фармуюцца за кошт штогадовых узгодненых адлічэнняў дзяржаў Дамовы аб стварэнні Саюзнай дзяржавы ў суме 4 458,6 млн расiйскіх рублёў, (у тым ліку Расiйскай Федэрацыяй 2 898,3 млн расiйскіх рублёў, Рэспублікай Беларусь — 1 560,3 млн расiйскіх рублёў), непадатковых даходаў 3,4 млн расiйскіх рублёў, рэшткаў сродкаў бюджэтаў Саюзнай дзяржавы мінулых гадоў — 1 504 млн расiйскіх рублёў».
Паводле яе слоў, сумарны памер долевых узносаў дзяржаў-удзельніц у бюджэт Саюзнай дзяржавы павялічыўся з 4 384,8 млн расійскіх рублёў да 4 458,6 млн расійскіх рублёў у параўнанні з 2022 годам. «У 2023 годзе сродкі бюджэту Саюзнай дзяржавы мяркуецца накіраваць на фінансаванне чатырох праграм і 33 мерапрыемстваў у аб'ёме 3 959,5 млн расійскіх рублёў, а таксама на ўтрыманне органаў і арганізацый Саюзнай дзяржавы, — адзначыла парламентарый. - Агульная сума фінансавання чатырох праграм Саюзнай дзяржавы складзе 2 142 млн расiйскіх рублёў (42,3% расходнай часткі бюджэту), або амаль у 2,8 разы больш у параўнанні з аналагічнымі выдаткамі на 2022 год (767,4 млн расiйскіх рублёў)».
У 2023 годзе праектам дэкрэта запланавана рэалізацыя 33 мерапрыемстваў Саюзнай дзяржавы з агульным аб'ёмам фінансавання 1 817,6 млн расійскіх рублёў (35,9% расходнай часткі бюджэту), што перавышае аналагічныя паказчыкі 2022 года (28 мерапрыемстваў з агульным аб'ёмам фінансавання 1 550,6 млн расійскіх рублёў).
«Адзначаецца дынамічнае ў параўнанні з папярэднімі гадамі напаўненне расходнай часткі бюджэту новымі мерапрыемствамі, правядзенне якіх нацэлена на далейшае ўзаемадзеянне ў сферы культуры, навукі, а таксама патрыятычнае выхаванне моладзі дзяржаў-удзельніц і захаванне гістарычнай памяці аб Вялікай Айчыннай вайне. Так, на 2023 год запланавана правядзенне пяці новых мерапрыемстваў: «Удзел у культурна-адукацыйнай патрыятычнай акцыі «Цягнік памяці», «Саюзная дзяржава на Купаллi», «Гісторыка-прававая змена «Будучыня правапарадку» з удзелам дзяцей з сем'яў супрацоўнікаў органаў унутраных спраў Беларусі і Расіі», «Форум Саюзнай дзяржавы» Расія і Беларусь: агульная гісторыя, агульны лёс», «Форум ВНУ інжынерна-тэхнічнага профілю». Два з пяці запланаваных на 2023 год новых мерапрыемстваў будуць праведзены на тэрыторыі Рэспублікі Беларусь, — падкрэсліла Людміла Ніжэвіч. Асаблівасцю бюджэту 2023 года можна назваць фінансаванне новага органа Саюзнай дзяржавы - Міждзяржаўнага цэнтра для каардынацыі работы па кіраванні рызыкамі, а таксама для рэалізацыі аналітычных функцый і маніторынгу здзяйснення мытных аперацый мытнага камітэта Саюзнай дзяржавы. Таксама прадугледжваецца фінансаванне непрадбачаных выдаткаў праз рэзервовы фонд Саюзнай дзяржавы (апошні раз рэзервовы фонд прадугледжваўся ў бюджэце Саюзнай дзяржавы на 2008 год), на гэтыя мэты прадугледжана 50 млн расiйскіх рублёў».
«Парламентарыі Беларусі і Расіі разглядаюць саюзны бюджэт як адну з крыніц фарміравання адзінай навукова-тэхналагічнай прасторы Саюзнай дзяржавы ў інтарэсах развіцця нацыянальных эканомік, — падкрэсліла Людміла Ніжэвіч. -У сувязі з гэтым на працягу 2022 года дэпутатамі дзвюх краін нададзена вялікая ўвага ўдасканаленню нарматыўна-прававой базы Саюзнай дзяржавы ў бюджэтна-фінансавай сферы. Вынікам працы стала ўнясенне змяненняў у парадкі распрацоўкі і рэалізацыі праграм і праектаў Саюзнай дзяржавы. Знятыя абмежаванні на сферы дзейнасці, па якіх могуць распрацоўвацца праекты Саюзнай дзяржавы (раней толькі «Адукацыя» і «Культура»), аптымізаваны тэрміны падрыхтоўкі праграм Саюзнай дзяржавы шляхам выключэння этапу распрацоўкі, узгаднення і адабрэння Савета Міністраў Саюзнай дзяржавы праектаў канцэпцый праграм Саюзнай дзяржавы. Гэтыя, а таксама іншыя рашэнні, накіраваны на ўдасканаленне бюджэтнага працэсу Саюзнай дзяржавы, дазволяць больш эфектыўна выкарыстоўваць сродкі саюзнага бюджэту, максімальна адаптаваць бюджэтны працэс Саюзнай дзяржавы да бягучых задач развіцця інтэграцыйных адносін у рамках рэалізацыі 28 саюзных праграм».
Акрамя таго, у праекце бюджэту прадугледжаны сродкі на фінансаванне новых праграм, якія плануецца зацвердзіць ва ўстаноўленым парадку на працягу 2023 года.
«Сесія таксама разгледзела пытанне аб унясенні змянення ў дэкрэт Вышэйшага Дзяржаўнага савета Саюзнай дзяржавы» аб бюджэце Саюзнай дзяржавы на 2022 год». Усе змены, адлюстраваныя ў праекце названага дэкрэта, ва ўстаноўленым парадку былі адобраны пагаджаючай камісіяй Парламенцкага сходу па бюджэце Саюзнай дзяржавы. Дэпутаты на сесіі прынялі Дэкрэт Вышэйшага Дзяржаўнага савета Саюзнай дзяржавы «Аб унясенні змяненняў у дэкрэт Вышэйшага Дзяржаўнага савета Саюзнай дзяржавы ад 3 сакавіка 2015 года №3 «Аб парадку фарміравання і выканання бюджэту Саюзнай дзяржавы», — дапоўніла парламентарый. — Унесены дапаўненні па змене тэрмінаў разгляду гадавой справаздачы аб выкананні бюджэту Саюзнай дзяржавы, што дазволіць Парламенцкаму сходу Саюза Беларусі і Расіі прымаць рашэнне аб зацвярджэнні гадавой справаздачы ў першым паўгоддзі года, наступнага за справаздачным. Таксама ўносяцца дапаўненні, якія дазваляюць ліквідаваць некаторыя недакладнасці ў прававым рэгуляванні парадку фарміравання і выканання бюджэту Саюзнай дзяржавы. Прыняты бюджэт Саюзнай дзяржавы на 2023 год, узгоднены праект дэкрэта Вышэйшага Дзяржаўнага савета аб унясенні змянення ў дэкрэт Вышэйшага Дзяржаўнага савета Саюзнай дзяржавы «Аб бюджэце Саюзнай дзяржавы на 2022 год» і Дэкрэт аб парадку фарміравання і выканання бюджэту будуць перададзены ва ўстаноўленым парадку на зацвярджэнне Вышэйшага Дзяржаўнага савета Саюзнай дзяржавы».
Крыніца «СП»
