Да добрых спраў падключыліся супрацоўнікі Капыльскага ТЦСАН. Бо ўдзел у рэспубліканскай дабрачыннай акцыі «Ад усёй душы» - выдатная нагода акружыць нашых бабуль і дзядуль клопатам і цяплом.
Да адной з першых навагодні настрой прыйшоў у дом 99-гадовай Зінаіды Карповіч з в. Балговічы. Візіт начальніка ўпраўлення па працы, занятасці і сацыяльнай абароны райвыканкама, Івана Бабко, дырэктара Капыльскага ТЦСАН і Святланы Маліноўскай, і маладзёжнага актыву цэнтра ў гэтыя святочныя дні вельмі расчуліў жанчыну. Разам з найлепшымі пажаданнямі і салодкімі падарункамі бабулі таксама ўручылі плед, які будзе саграваць яе ў доўгія зімовыя вечары.
З радасцю сустракалі гасцей і пастаяльцы Дома сумеснага самастойнага пражывання ў аграгарадку Грозава. Сумесна з валанцёрамі сярэбранага ўзросту і членамі першаснай арганізацыі цэнтра ГА «БРСМ» праведзена святочнае мерапрыемства «Новы год збірае сяброў». Разам з навагоднім настроем госці прывезлі пастаяльцам салодкія пачастункі і навагоднія сувеніры, а Дзед Мароз і Снягурка пажадалі ўсім здароўя і поспехаў у гэтым годзе.
А вось святочнае мерапрыемства «Навагоднія сустрэчы», арганізаванае членамі пярвічнай арганізацыі БРСМ Капыльскага ТЦСАН, сабрала разам актывістаў аддзялення дзённага знаходжання тэрытарыяльнага цэнтра. Грамадзяне сталага веку з задавальненнем спявалі навагоднія песні, удзельнічалі ў конкурсах і танчылі. За актыўны ўдзел і добры настрой усе ўдзельнікі свята атрымалі навагоднія падарункі ад Дзеда Мароза і Снягуркі.
- Наведваць пажылых людзей не толькі ў святочныя дні, а рэгулярна - гэта добрая існуючая традыцыя для нашага цэнтра, - каментуе дырэктар ТЦСАН Святлана Маліноўская. - На працягу ўсяго года нашы спецыялісты, аказваюць садзейнічанне пажылым людзям, адзінокім, з інваліднасцю ў абсалютна штодзённых жыццёвых пытаннях. А дадзеная акцыя ў чарговы раз нагадвае пажылым людзям, што яны патрэбныя, дораць ім увагу і часцінку цяпла, а гэта — неацэнна.
Таццяна Бохан
Крыніца «СП»