Капыльская раённая ветэранская арганізацыя пад кіраўніцтвам Людмілы Каменскай па выніках 2022 года прызнана пераможцам абласнога спаборніцтва ў сваёй групе (сярод раёнаў з насельніцтвам менш за 100 000 чалавек). Лідар у іншай групе - Маладзечанская арганізацыя.
Старшыня Мінскага абласнога Савета ветэранаў Казімір Чарапкоўскі ўручае ўзнагароду Людміле Каменка
Ушанаванне адбылося на пашыраным пасяджэнні Савета, дзе ветэранскі актыў таксама зацвердзіў план работы на 2023 год.
Як было адзначана на пасяджэнні, ветэранскія арганізацыі ў 2022 годзе рабілі ўсё для таго, каб аказаць максімальную падтрымку тым, хто мае патрэбу, захаваць сяброўскія і таварыскія адносіны і сувязі паміж пажылымі людзьмі, максімальна ўдзельнічалі ва ўсіх грамадска-палітычных мерапрыемствах, праводзілі ўрокі мужнасці, наводзілі парадак на прыдамавых тэрыторыях, ля помнікаў і на брацкіх магілах, збіралі матэрыялы для музеяў, прымалі ўдзел у цэлым шэрагу іншых значных мерапрыемстваў.
Нагадваем, што Капыльская раённая арганізацыя ў 47 пярвічках аб'ядноўвае каля 7 тысяч ветэранаў.
Сяргей КОЗЕЛ
Крыніца «СП»
