Спецпрэмія «Беларускі спартыўны Алімп» прысуджана капітану нацыянальнай каманды па біятлоне, майстру спорту міжнароднага класа, ураджэнцу Капыльшчыны Антону Смольскаму.
Узнагароджанне адбылося на цырымоніі ўручэння прэміі «За духоўнае адраджэнне», спецыяльных прэмій дзеячам культуры і мастацтва і «Беларускi спартыўны Алiмп».
— Прэміяй «Беларускі спартыўны Алімп» адзначаюць тых, хто падняўся на вяршыню спартыўнага майстэрства, пацвердзіў свой найвышэйшы клас медалямі на важнейшых спаборніцтвах. Хто прысвяціў сваё жыццё выхаванню атлетаў і атрымлівае высокія вынікі сваёй працы, — адзначыў у сваім выступленні Прэзідэнт Рэспублікі Беларусь Аляксандр Лукашэнка.
Крыніца «СП»