Сырароб-майстар Капыльскага філіяла ААТ «Слуцкі сыраробны камбінат» Ірына Бурак сваю працу лічыць цікавай. Да таго ж адданасць сыраробнай справе праяўляе ўжо на працягу 35 гадоў.
- Сама я родам з вёскі Камсамольская, - кажа наша гераіня. - Вырасла ў звычайнай сельскай сям'і. Час тады быў няпросты, таму бацькі трымалі вялікую гаспадарку, і на стале заўсёды было свежае малако, з якога мама варыла смачны сыр. Як аказалася, нічога складанага ў гэтым працэсе няма. Калі прыйшоў час выбіраць будучую прафесію, падала дакументы ў Слуцкае вучылішча, дзе асвоіла спецыяльнасць сырароба-майстра.
Маладым спецыялістам прыйшла на Капыльскі масласырзавод. Непрыкметна Ірына Аляксандраўна з няўпэўненага работніка ператварылася ў дасведчанага сырароба. Яна лічыць, што ў дадзенай прафесіі мала толькі ведаў. Сваю справу трэба любіць, і тады ўсё будзе атрымлівацца.
- Ірына Аляксандраўна - старажыл сыраробнага цэха, - каментуе начальнік сыраробнага цэха Марына Гайдук. - Яна з задавальненнем дзеліцца вопытам работы з калегамі: за сваю працоўную дзейнасць выхавала масу пасрэднікаў, пачынаючы ад сыраробаў да інжынерных работнікаў. Сёння мы вырабляем 18 відаў сыроў: паўцвёрдыя расійскай групы і элітныя. Працэс гэты вельмі адказны. Але дзякуючы сапраўдным прафесіяналам, у ліку якіх і Ірына Бурак, якая шануе і любіць сваю справу, нашы сыры заваёўваюць любоў гурманаў не толькі ў краіне, але і за яе межамі.
Крыніца «СП»
