ААТ «ПМК-11 г.Капыль» Васіль Уласаў упэўнены, што аднаўленне і падтрыманне меліярацыйных зямель роднай Капыльшчыны – гэта вынік карпатлівай працы і добрасумленнага стаўлення да сваіх абавязкаў усіх супрацоўнікаў прадпрыемства.
– На нас ускладзена адказная місія – ператварыць зямлі раёна ва ўрадлівыя сельгасугоддзі, – гаворыць Васіль Аляксандравіч. - Праводзім велізарную працу па падтрыманні ў належным стане дзеючых меліярацыйных сістэм ад заільвання каналаў і зарастання іх хмызнякамі. У цэлым землеўпарадкаванне вельмі моцна адрозніваецца ад звычайных агратэхнічных прыёмаў. Яно больш доўгае, карпатлівае з інтэнсіўным уздзеяннем на аб'екты меліярацыі. Так, праца не з лёгкіх, але хто, калі не мы. Працаваць даводзіцца і ў складаных умовах надвор'я, але дзякуючы вопыту і вытрымцы ўсё атрымліваецца.
Стаж працоўнай дзейнасці Васіля Уласава ў калектыве 27 гадоў, у галіне – 42 гады. І ўся яго працоўная дзейнасць звязана з тэхнікай. Ён працаваў трактарыстам, памочнікам машыніста і машыністам экскаватара, вельмі кампетэнтны ў пытаннях рамонтна-механічных работ. Варта адзначыць, што аб'ём выкананых ім земляных работ у 2022 годзе склаў 18,2 тысячы метраў, пры плане 17,9 тысячы метраў.
Крыніца «СП»
