Апошнім часам пачасціліся выпадкі злачынстваў, калі ў дамы да пажылых людзей, інвалідаў пад выглядам сацыяльных работнікаў пранікаюць ашуканцы. Пажылыя даверлівыя людзі - гэта самыя лёгкія ахвяры для любога ашуканца.
Каб не стаць ахвярамі ашуканцаў, зважайце на сітуацыі, якія павінны вас насцярожыць.
— Незнаёмец прадстаўляецца сацыяльным работнікам і паведамляе аб надбаўцы да пенсіі, нейкай разавай выплаты або прэміі. Просіць вас прадставіць яму свае пашпартныя даныя, рэквізіты банкаўскай карткі і г.д.
— Вам прапануюць набыць прадукты ці тавары па непраўдападобна нізкіх «ільготных» коштах, просяць напісаць спіс неабходнага і спрабуюць узяць буйны задатак.
ПАМЯТАЕЦЕ, у кожнага работніка Капыльскага ТЦСАН ёсць пасведчанне з пячаткай і фатаграфіяй, а таксама забяспечаны спецыяльным адзеннем (камізэлька шэра-чырвонага колеру з лагатыпам «САЦЫЯЛЬНАЯ СЛУЖБА Капыльскі раён»).
Да таго, як адчыніць дзверы незнаёмцу, спытайце, якую арганізацыю ён прадстаўляе, яго прозвішча, патрабуйце паказаць дакументы. Калі ён не адказвае на вашы пытанні, адмаўляецца прадставіцца і прадставіць дакументы, патэлефануйце ў названую ім арганізацыю і ўдакладніце, ці працуе ў іх такі чалавек і ці накіроўвалі яго да вас. Не тэлефануйце па нумары тэлефона, які называе вам незнаёмы. Усе неабходныя даведачныя нумары тэлефонаў арганізацый і служб захоўвайце побач са сваім тэлефонным апаратам. Але, калі ж усё ж такі незнаёмец прадставіўся сацыяльным работнікам, і ў вас узніклі сумневы ці падазрэнні вы можаце патэлефанаваць у ДУ «Капыльскі ТЦСАН» па тэл. 25783, 20726.
Аксана Гузава
Крыніца «СП»