Аб маштабах развіцця Капыльскага кааппрама ў раённай газеце было напісана неаднаразова. Многія жыхары раёна разам з калектывам прадпрыемства ганарацца яго дасягненнямі і поспехамі.
Хлебабулачныя і мучныя кандытарскія, каўбасныя вырабы, мясныя паўфабрыкаты, рыбная прадукцыя штодзень рэалізуюцца ва ўсіх раёнах Мінскай вобласці. Па выніках 2022 года выпушчана на 13,1 млн. рублёў. Дынаміка ў супастаўных цэнах да ўзроўню папярэдняга года склала 125,2 працэнта. Штогод прадукцыя прадпрыемства на рэспубліканскіх аглядах якасці хлебабулачных і кандытарскіх вырабаў атрымлівае ўзнагароды. Так, за мінулы год на рэспубліканскім конкурсе «Смаката 2022» былі заваяваны: залаты медаль - вітушка «Звычайны», Гран-пры 3 ступені - хлеб «Сезонны», сярэбраны медаль - здоба «Фруктовы сюрпрыз».
– Гэта заслуга ўсяго калектыву перш за ўсё, – упэўнена дырэктар Тамара Абрамовіч. - Часцей за ўсё мы гаворым аб заслугах вытворчасці ў хлебапячэнні, вырабе каўбасных вырабаў і паўфабрыкатаў. На гэты раз хочацца адзначыць людзей, якіх не заўсёды відаць, але без іх весці вытворчасць фактычна немагчыма - гэта бухгалтарская служба і праца эканамічнага аддзела.
Крыніца «СП»