У калектыва Капыльскага ТЦСАН – першае месца ў сацыяльна-эканамічным абласным спаборніцтве за 2022 год (на тэрыторыі з насельніцтвам да 30 000 чалавек)!
Вынікі працы падвёў камітэт па працы, занятасці і сацыяльнай абароне Мінаблвыканкама. У рабоце калегіі, якая прайшла на базе Дзяржынскага цэнтра сацыяльнага абслугоўвання насельніцтва, прыняў удзел намеснік старшыні Мінаблвыканкама Іван Маркевіч.
На мерапрыемстве спецыялісты Капыльскага ТЦСАН і яго дырэктар Святлана Маліноўская прэзентавалі працу рэсурснай пляцоўкі. Увазе гасцей свята былі прадстаўлены метадычныя дапаможнікі, распрацоўкі спецыялістаў па арганізацыі сацыяльнай работы.
І яшчэ адна ўзнагарода. Калектыў упраўлення па працы, занятасці і сацыяльнай абароне Капыльскага райвыканкама таксама ўдастоены Дыплома ў намінацыі «За актыўную работу па ўключэнню ў працоўную дзейнасць не занятых у эканоміцы грамадзян» па выніках 2022 года.
На здымку: Святлана Маліноўская (у цэнтры) з супрацоўніцамі Інай Шарамет і Таццянай Рымашэўскай
Дыяна ТКАЧЭНКА
Крыніца «СП»