У сакавіку 2023 года стартаваў маладзёжны творчы конкурс «Памятаць. Шанаваць. Не дапусціць», прымеркаваны да Года міру і стварэння, 80-годдзя з пачатку вызвалення Беларусі ад нямецка-фашысцкіх захопнікаў. Яго арганізатарам выступіла Генеральная пракуратура Рэспублікі Беларусь, суарганізатарамі – Міністэрства адукацыі Рэспублікі Беларусь і Беларускі рэспубліканскі саюз моладзі.
Мерапрыемства накіравана на павышэнне ўзроўню ваенна-патрыятычнага выхавання моладзі, фарміраванне ў падрастаючага пакалення стваральных адносін да гісторыі сваёй краіны, папулярызацыю захавання гістарычнай памяці і аднаўлення гістарычнай праўды сярод падрастаючага пакалення.
Да ўдзелу запрашаюцца навучэнцы IX-XI класаў устаноў агульнай сярэдняй адукацыі індывідуальна або ў складзе калектыву аўтараў (не больш за 5 чалавек).
Конкурс праводзіцца ў два этапы: рэгіянальны (01.03.2023–01.07.2023) і рэспубліканскі (16.10.2023–01.12.2023) у наступных намінацыях: «Лепшае даследаванне», «Лепшае эсэ», «Лепшы відэаролік».
Работы для ўдзелу ў рэгіянальным туры разам з заяўкамі трэба накіроўваць на электронныя адрасы арганізатараў - пракуратур абласцей і г. Мінска. Узнагароджанне пераможцаў і лаўрэатаў рэгіянальнага этапу мерапрыемства пройдзе з 16 кастрычніка па 30 лістапада 2023 г. пераможцаў рэспубліканскага этапу конкурсу вызначаць з 4 па 25 снежня 2023 г.
З прыкладным пералікам тэм для творчых работ, патрабаваннямі да іх афармлення можна азнаёміцца ў Палажэнні аб парадку арганізацыі і правядзення конкурсу «Памятаць. Шанаваць. Не дапусціць».
Крыніца «СП»
