Лепшыя прадстаўнікі моладзі і ідэалагічны актыў Мінскай вобласці былі ўзнагароджаны на V пленуме Мінскага абласнога камітэта ГА «Беларускі рэспубліканскі саюз моладзі», які нядаўна адбыўся ў Мінску. Сярод іх ёсць і капыляне.
Так, падзякай Мінскага абласнога камітэта ГА «БРСМ» узнагароджана першы сакратар Капыльскага РК ГА «БРСМ» Анастасiя Збіруховіч. Таксама падзякай як адна з лепшых адзначана пярвічка Капыльскага дзяржаўнага каледжа, узнагароду атрымала намеснік дырэктара па выхаваўчай рабоце Капыльскага дзяржаўнага каледжа Наталля Кудзелка.
Падчас пленума самая масавая маладзёжная арганізацыя Міншчыны падвяла вынікі і намеціла планы на будучыню. У яго працы прыняў удзел першы сакратар Цэнтральнага камітэта ГА «БРСМ» Аляксандр Лук'янаў, першы намеснік начальніка галоўнага ўпраўлення ідэалагічнай работы і па справах моладзі Мінаблвыканкама Вольга Тапдземір, старшыня Мінскага абласнога аб'яднання прафсаюзаў Віктар Маліноўскі і іншыя.
Анастасія Збіруховіч і Наталля Кудзелка (у цэнтры) - у ліку дэлегатаў
Адным з яркіх момантаў мерапрыемства стала ўручэнне самым актыўным хлопчыкам і дзяўчынкам цэнтральнага рэгіёну білетаў Саюза моладзі. Ва ўрачыстай абстаноўцы іх атрымалі 11 чалавек.
Справаздачу аб праведзенай працы трымалі і першыя сакратары некаторых райкамаў. Расказалі, якія мерапрыемствы праводзяцца і як арганізавана работа з моладдзю на месцах.
Крысціна ЖОГАЛЬ
Фота з архіва РК ГА «БРСМ»
Крыніца «СП»