Вось і надышлі сапраўды цёплыя вясновыя дзянькі, якія цешаць яркім сонечным святлом, першацветамі і дрэвамі з набраклымі пупышкамі, якія вось-вось пачнуць прачынацца ад глыбокага сну. Усё б нічога, але разам з гэтай цудоўнай прыгажосцю пасля растаючага снегу на паверхні зямлі раз-пораз паказваюцца і іншыя прадвеснікі вясны: недакуркі цыгарэт, абгорткі з-пад цукерак, пустыя пластыкавыя і шкляныя бутэлькі і шмат чаго іншага. А так хочацца прагуляцца па чыстым, светлым і добраўпарадкаваным родным Капылі.
Мала хто ўбачыўшы на зямлі ляжачую паперу нахіліцца, каб падняць і выкінуць яе ў побач стаячцю ўрну, але працаўнікі жыллёва-камунальнай гаспадаркі не абыдуць смецце бокам. Бо гэта іх першарадная задача. Але, спадзяючыся на разважлівасць і прыстойнасць гараджан, яны ўсё ж спадзяюцца, што ўсе разам мы даб'емся чыстага горада.
Не дарма кажуць: «Чыста там, дзе не смецяць!» Так і сёння, раніцай аўторка больш за 40 работнікаў ЖКГ дружна выйшлі на ўборку ўсімі любімых куткоў.
- Гэта справа традыцыйная, - гаворыць намеснік дырэктара па ідэалагічнай рабоце Капыльскай ЖКГ Аляксей Сяргееў. - Сёння намечана вялікая праца па добраўпарадкаванні горада.
Парк каля Капыльскага аддзела ЗАГС, Алея герояў каля Дзіцячай школы мастацтваў, «Сухі ручай» каля касцёла святых Пятра і Паўла, дзіцячая пляцоўка па вул. Заазёрнай і многія іншыя аб'екты, якія неабходна было прывесці ў парадак. Прыбраць сухія галінкі, згрэбці леташняе лісце, вырабіць абразанне дрэў, прыбраць смецце. Прыемна, што некаторыя свядомыя людзі, якія пражываюць у шматкватэрных жылых дамах горада, самі выходзяць у двор і прыбіраюць прыдамавую тэрыторыю. Таксама просяць у працаўнікоў ЖКГ, каб прывезлі каляску, для таго, каб было куды выкінуць смецце. Адзначу і тое, што ў раёне ёсць шмат станоўчых прыкладаў, хто з любоўю ставіцца да кветкаводства і каля сваіх шматкватэрных дамоў разбіваюць цудоўныя клумбы.
Пагадзіцеся, што не толькі арганізацыі і прадпрыемствы раёна павінны сачыць за добраўпарадкаваннем прылеглых тэрыторый, але і індывідуальныя прадпрымальнікі, якім таксама неабходна наводзіць парадак вакол павільёнаў.
Наталля ДАВЫДЗЕНКА
Крыніца «СП»
