Указам Кіраўніка дзяржавы ад 12 красавіка 2023 г. № 105 унесены змяненні ва Указ ад 26 сакавіка 1998 года № 157«Аб дзяржаўных святах, святочных днях і памятных датах у Рэспубліцы Беларусь».
Змяненнямі прадугледжана карэкціроўка назвы дзяржаўнага свята з «Дзень Дзяржаўнага герба Рэспублікі Беларусь і Дзяржаўнага сцяга Рэспублікі Беларусь - другая нядзеля мая» на «Дзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь - другая нядзеля мая».
«Новая назва дазволіць аддаць даніну павагі ўсім тром дзяржаўным сімвалам Беларусі», – адзначылі ў прэс-службе Кіраўніка дзяржавы.
Указ уступае ў сілу пасля яго афіцыйнага апублікавання.
Крыніца: https://pravo.by/novosti/novosti-pravo-by/2023/april/73874/ – Нацыянальны прававы Інтэрнэт-партал Рэспублікі Беларусь
