Паводле аналізу дарожна-транспартных здарэнняў, самымі аварыйнымі днямі лічацца перадвыхадны і выхадныя дні. Абумоўлена гэта масавымі выездамі за горад, інтэнсіўным рухам, не выключэннем нейкай расслабленасці кіроўцаў, калі доўгая паездка, то стамляльнасці, дрымотнасці за рулём, альбо наадварот спешкі, а таксама ўжываннем алкаголю перад паездкай.
У мэтах папярэджання ДТЗ і спынення правапарушэнняў з боку ўдзельнікаў дарожнага руху, з 14 па 17 красавіка Дзяржаўтаінспекцыяй Мінскай вобласці арганізавана служба ва ўзмоцненым рэжыме. Дзяржаўтаінспектары нададуць асаблівую ўвагу захаванню хуткасных рэжымаў, правілаў перавозкі дзяцей-пасажыраў, выяўленню нецвярозых вадзіцеляў і асоб, якія не маюць або пазбаўлены права кіравання транспартнымі сродкамі, а таксама спыненню парушэнняў ПДР пешаходамі і веласіпедыстамі ў месцах (зонах) масавага адпачынку грамадзян і паблізу іх.
Пад асаблівым кантролем вартавых дарог вадзіцелі мотатранспарту!
Да ведама, з пачатку года на тэрыторыі вобласці выяўлена і прыцягнута да адміністрацыйнай адказнасці 224 кіроўцы мотатранспарту, з якіх 14 – знаходзіліся ў стане ап'янення, 70 – не мелі права кіравання транспартнымі сродкамі дадзенай катэгорыі.
У выніку 5 дарожна-транспартных здарэнняў 1 матацыкліст загінуў, 4 - атрымалі траўмы рознай ступені цяжкасці!
Паважаныя вадзіцелі, з улікам святочных выхадных, вы плануеце паездкі за горад разам са сваімі сем'ямі, у тым ліку і дзецьмі, таму ад вас патрабуецца павышаная ўвага, прадуманыя дзеянні за рулём і правільна абраная хуткасць! Удалых вам выхадных і бяспечнага шляху!
Паважаныя грамадзяне, у выпадку грубых правапарушэнняў з боку ўдзельнікаў дарожнага руху, просім Вас, неадкладна паведамляць у ДАІ Мінскай вобласці па тэлефоне 229-04-44, альбо 102.
АДАІ Капыльскага РАУС
